Badiya Blog Content Kaise Likhe Google+Visitor ke liye

31

Blog par traffic tabhi aata hai jab apke blog ka content achha ho, lekin bahut kam log is baat ko follow karte hai. Aap Ke blog ka traffic pura depend karta hai ki aap kis tarah se likhte hai.

Badiya Blog Content Kaise Likhe Jisse Sab Pasad kare [Google+Visitor]

Kyonki log apke blog par kuch information lene ya apni problem ka solution karne ke liye aate hai. Na ki ye dekhte ne ke liye ki ap regular koi na koi article likhte hai.

Is article me apki sabse badi problem ka solution mil sakta hai wo hai apke article ke sath me log attach kyon nahin hote hai?

Yah baat to har koi janta hai ki agar apke blog ke contents quality hai to apko apne blog ka SEO bhi karne ki jarurat nahi hoti hai. Kyonki Google almost unhe hi ranking deta hai jo quality provide karte hai jo Google ke searchers ko achha content dete hai, jabki dusre taraf agar apka content quality nahi hai tab kitna bhi SEO karlo aap ko mili hui ranking bhi hath se chali jaegi.

Content Readers Ke Liye Likhe Ya Google Ke Liye?

Agar mera vote sunna chahte hai to main kahuga off course readers ke liye hi likhe, par Google me ranking lene ke liye Keyword target karna ya aur bhi On-Page SEO karna thik hai lekin almost koshish honi chahiye ki readers/visitors apke blog par kuch waqt ke liye ruke.

Google Kaise Pata Karta Hai Ki Apka Content Quality Hai?

Isse pehle ke ham baat kare kaise quality content likhte hai usse pahle baat karenge ki quality content kehte kise hai yani kab yeh samjha jata hai ki apka content quality hai.

Bounce rate

Maine pichli post perfect on page seo kaise kare par discuss kiya tha ki jab apke bounce rate achi hoti hai yani kam hoti hai to apka blog ka yah positive result ha.

Kyonki bounce rate ka percentage jitna high hota hai readers apke blog ko utna hi ignore kar rhe hai.

Time on Page

Yani ke readers apke content par kitne waqt ke liye thehar raha hai. Agar readers jyada waqt ke liye apke content par rahega to apke high change hoge ranking milne ki. Aur isi wajah se bade content jyada high rank karte hai kyonki aise content ko padhne ke liye readers content par jyada wakt spend karta hai.

Alexa Ranking me bhi ye bhut jaruri hai. or Alexa Rank Widget kaise add kare uski jankari yaha hai

CTR on SERP

CTR (Click through rate) ke percentage jitna jyada hone ka yah means hota hai ki log search engine me search karte hai tab top results me unhe aap ki site jyada pasand aa rahi hai.

Social Shares

Jitne aapke social share hoge utne hi apke ranking ke change bhi high hoge, Google kisi bhi content ke social share high hone par yeh samjhta hai ki yah content user ke liye jyada friendly hai. Facebook, Twitter, Google+, Pinterest jesi sites par jarur share kare..

Iske alawa aur bhi kai factor hain jiske madhyam se Google content ki quality ka pata lagata hai.

Aapke blog Bounce rate, time on page Google analytics se dekha ja sakta hai. Aur CTR ko dekhne ke liye Google webmaster me login kar sakte hai aur social share dekhne ke liye kai tools free online available hai.

Quality Content Kaise Likhe?

Ab tak aap yah samjh gaye hai ki quality content ka pata kaise lagate hai to ab aata hai ki quality content ko kaise likhe?

Niche kuch tips hai jisse aapki content writing skill kafi approve ho sakti hai.

  1. Aap jo bhi likh rahe hai us par serious rahe.
  2. Apna interested topic le aur us par likhne se pehle achi si research kare.
  3. Topic par research ho jane ke bad acche information collect kare aur use deep me samjhaye.
  4. Apna content publish karne se pahle ek bar phir se padh le, ya likhne aur publish karne ke bich ke time me gap rakhe. Jisse ap soch sake ki kya kami rah gai hai article me.
  5. Apne content me Subheading (h2 & h3) ka use kare.
  6. Apne paragraph short rakhe, bahut baato ko ek hi paragraph mein na samjhaye, hamesha new point ko paragraph break karke shuru kare.
  7. Apne content ki shuruat achi rakhe, taki aap ke readers apke content ko aage tak bhi pdhe, aur content ke khatam hone par achi ending kare.
  8. Apne content ki main heading attractive aur meaningful likhe. Yani readers ko main heading padhate hi pata lag jana chahiye ki apka pura content hain kis bare me.
  9. Apna article apne dosto ke sath me bhi share taki unse feedback lekar apni galtiyo me sudhar kiye ja sake.
  10. Hamesha passion se likhe na ki lalach ke chakkar me, apko likhne me maza aana chahiye tabhi padhne wale ko bhi maza aaye.
  11. Content likhne ke bich me gap lete rahe, aisa nahi ki ek hi bar me content pura kare aur usi waqt publish kar de. Kosis kare bich me kuch time ka gap le taki jisme aap soch sake ki aap aur kis tarah se apne content me jaan dal sakte hai.
  12. Grammar par dhyan de, agar apki grammar sahi nahi hai to Google translator use kare. Ya aur bhi koi grammar ko sahi karne ke software use kare. Aur grammar preparation ke liye books padhate rahe.
  13. Dusre blogger ke article padhate wakt koi meanig samjh na aye to usi wakt tranaslate kare.
  14. Hamesha conversational content likhe, yani kosis kare “you (aap)“ and “me (main)” words ko use me lene ka. Jisse apke readers ke sath me aur bhi relationship banega.
  15. Apna article simple to understand rakhe, use kisi paheli ki tarah na rakhe.
  16. Agar aap har roj ka ek content bina quality ka publish kar rahe hai to isse acha hai week me ek hi publish kare lekin quality kare.
  17. Italic, bold, underline ka use kare.
  18. Aur banti koshish kisi bhi tough concept ko images ya screen shot se samjhaye.

In sabko follow karke aap apne article ko kafi better kar sakte hai, mujhe ummid hai is content ko padhne ke bad me apka new content pichle sab content se quality hoga.

Ye Bhi Pade:

31 COMMENTS

  1. Rohit bhai , aapne bloggers ke liye bhut acchi jankari di kyu ki blog me jo main part hai wo post ka hota hai agar post quality ki nahi hai toh usko public karne se bhi koi fayda nahi milta .

  2. Bahoot acchi post hai Rohit ji par mera maana hai ki aap tips ke alawa Tricks par bhi dhiyaan de…

  3. Rohit ji,, Muje Guests post karna hai
    … Hmh.pe. kya Details hai bataye… aur Kab Tak Published hojayega Post.

  4. Rohit bhai apki ye jankari bahut achhi lgi par mera ek sawal hai, sawal thoda is post se hatke hai ki ye kaise pta kare ki konsi web directory me apna blog submit karna faydemand hai mera mtlb hai ki kese decide kare ki ye web directory apne blog ke liye helpful hogi aur hindi blog ke liye agar aap web directory btaye to bahut bahut thanks..

Comments are closed.