50+ Useful Chrome Extension for Blogger [Mega List]

Agar aap ek Blogger hai to Internet par bahut sari Browsing to karte hi hoge Research karne ke liye ya kuch naya sikhne ke liye.. aese me ye hamare liye bahut jaruri hai ki hum Aisi tools or service ka use kare jisse hamara jo kaam hai wo thoda aasan ho jaye..

HMH ke liye me konse Tools use karta hu uski puri list me pehle hi share kar chuka hu, or aaj iss post me me aapse 50+ Chrome Extension share kar raha hu jo ek Blogger ke liye useful hai, or use karna hi chahiye..

Extension kya hote hai ye to aap jante ho hoge, simple sabdo me kahe to ye jo hamara Browser hai uski funcanility badane ke liye hote hai, jinko install karke hamare browser me or function add ho jate hai… ye tikh uss trha hai jese hum WordPress me Plugin Install karte hai.

50+ Useful Chrome Extension for Blogger

Ye jo Chrome Extension me aapse share kar raha hu, wo sabhi useful hai or sabhi ka apna apna kaam hai.. to aap ye na soche ki jo list me upar hai wo ache hai jo niche hai wo acche nahi hai.. aap puri list ko dekhe.. or jo bhi extension aapko useful lage wo aap jarur install kare..

Me to inn sabhi extension ko use karta hu or me aapko suggest karuga, agar aap ek blogger hai to aap bhi inn sabhi Extension ko apne Browser me install kar lijiye..

agar aap iss baat se pareshan hai ki itne sare extension agar install karuga to mera computer slow ho jayega to tension na lijiye kyu ki iss problem ke solution ke liye bhi extension uplabdh hai.

1. Bookmark Manager

Blogger hai to bahut sari website ko visit to karna padta hi hai, ab kuch SEO search ke liye hoti hai, to kuch blogs hote hai jinko ham follow karte hai.. to kuch tools hote hai..

jitni bhi hamare kaam ki website hoti hai ham unko bookmark karte hai, taki jab bhi unki jarurat ho ham aasani se uss website par aa sake.. par agar ham normal bookmark karte hai to bahut war ham bhul jate hai ki wo website ka kya naam tha ya humne usko kab bookmark kiya.

Bookmark manager ki madad se ham apne sabhi links ko category ke according set karke rakh sakte hai. ir iski ek khas baat ye ki bina website ke visit kare ham website ka preview bhi dekh sakte hai.

2. Check My Links

Agar ham apni website ya kisi article me koi link add karte hai to time to time hamara farz banta hai ki ham check karte rahe ki kahi koi broken link to nahi hai.. kyu ki agar koi broken link hoti hai to usse hamari site par bura asar padta hai or hamare user ko bhi paresani hoti hai.

Agar page me bahut sari link hai to ek ek karke sab ko open karna thoda mushkil kaam ho jata hai or usme time bhi bahut jada lagta hai, par ham iss extension ki madad se ek click me check kar sakte hai ki kitne link sahi hai ya kitne link ko sahi karne ki jarurat hai.

Jis bhi Page par ham iss Extension ko run karte hai, to sabhi links highlight ho jati hai.. jo link sahi hai wo Green show hoti hai or jo Broken hai wo Red.. jiske baad ham badi aasani se inko tikh kar sakte hai.

Broken Link Technic ki madad se ham dusri website par Backlink bhi bana sakte hai.

3. Page Analytics (by Google)

Agar aapki website hai to aap usme Google Analytics to jarur use karte hi hoge, apne user ko track karne ke liye ki aapki website par kitne visitor aa rahe hai or wo kya dekh rahe hai..

agar nahi karte, to aapko karna hi chahiye, nahi to aapko pata kaise chalega ki jo mehnat aap apni website par kar rahe uska result aapko kesa mil raha. Google Analytics website me kaise add kare uski jankari yaha hai.

Google Analytics me agar hame koi bhi data dekhna hota hai to hame Google Analytics ki website ko hi open karna padta hai, par iss extension ki madad se ham apni website par hi Live or pichla data dekh sakte hai.. jisse hame turant pata chal jata hai ki konsa page ya post kesa perform kar rahi hai.

4. Google Translate

Agar ek language ko dusre language me badalna ho to uske liye ye extension bahut jaruri hai.. wese to aapne Google Translate ka naam to suna hi hoga.. or use bhi kiya hoga..

Google Translate website, Extension or Mobile App hai, jinki madad se ham kisi bhi language ko badal sakte hai.

5. GoFullPage – Full Page Screen Capture

Screenshot lene ki jarurat to aapko padti hi rehti hogi, or wese to hamae computer me shortcut ki madad se ham aasani se screen ka screenshot le lete hai.. par Problem jab aati hai jab hame pure page ka screenshot ek hi image me lena ho.

Agar aapko kisi website ke full page ka screenshot lena hai to aap iss extension ki madad se aasani se le sakte hai..

Screenshot lene ke liye sabse pehle aapko website ko full load ho jane dena hai, uske baad aap extension ke icon par click karke full page ka screenshot le sakte hai.

6. Grammarly for Chrome

English type karte hai to spelling mistake hona ya grammar mistake hona normal hai.. to aese me agar hame wo thik karna hai to uske liye Grammarly Free Extension hamari bahut help karta hai.

Agar hamare Browser me Grammarly install hai to uske baad ham jab bhi kuch time karte hai to automatic jo words ya sentence galat hote hai unke niche red link aa jati hai, jispar ham click karke usko sahi kar sakte hai.

Grammarly kya hai or isko kaise use kare uski puri jankari aapko HMH par hi mil jayegi, agar aap ek Blogger hai to ye extension to aapke Browser me hona hi chahiye.. kaise use karna hai to aap hamare article ko read karke sikh sakte hai.

7. Redirect Path

Link Redirect kya hota hai ye to aapko pata hi hoga, jisme ham click kisi link par karte hai par browser me open koi dusri link hoti hai.. isko Link Clocking bhi kehte hai..

Link Clocking ka normally use Affiliate Link ko hide karne ke liye kiya jata hai..

bahut war aisa ho jata hai ki koi link hai jisko hame pata karna hai ki wo kaha kaha se redirect hokar open hui hai to aise direct me uska pata karna thoda muskil padta hai par iss extension ki madad se ham badi aasani se dekh sakte hai..

8. WhatRuns

Jab bhi ham kabhi kisi badiya website par visit karte hai or hum waha kuch pasand aata hai ab wo uska design ho, font ho ya koi layout.. ya fir hame pata karna ho ki is website konse software ka use karke bani hai to wo ham WhatsRuns extension ki help se pata kar sakte hai.

hame jis bhi page ke ware me pata karna hai ki usme kya kya use ho raha hai to simple hume page ko pura load hone ke baad extension ko run karna hai.

9. HTTPS Everywhere

Online Browsing ke sath sath hame apni apni security ka dhyan rakhna bhi bahut jaruri hai, or uske liye jaruri hai ham ye conform kare ki jis website ko ham open kar rahe hai wo puri tarah secure hai or hamara data kisi tarah se hack nahi hoga..

Kisi bhi website ke secure connection ke liye jaruri hai ki website SSl certificate (https:// ) ke sath load ho.. agar koi website http:// me load hoti hai to koi bhi hacker hamare data ko bich me chura sakta hai to aesi website ko secure nahi mana jata.

Agar aap koi aesi website open kar rahe hai jisme https nahi hai par aapko open karna hai to aap iss extension ki madad se unsecure website ko bhi secure connection karke open kar sakte hai..

Iss extension ko wass hame apne browser me install karna hai, uske baad automatic jis bhi website ko ham open karte hai usme automatic https enable ho jata hai hame kuch karne ki jarurat nahi…

10. Extensity

Agar aapko bahut sare Chrome Extension pasand hai to aapke Browser me ye Extension to Install hona hi chahiye.. Kyu ki iss extension ki madad se aap aasani se apne sabhi extension ko manage kar sakte hai or simple click me extension ko enable or disable kar sakte hai.

Jese agar me apni baat karu to 100 ke karib extension install hai, par ye baat to clear hai ki itne sare sabhi extension ki har time to jarurat padti hai nahi.. to ham iss extension ki madad se wo sab manage kar sakte hai.

Ham jitne bhi extension hai unke group bana sakte hai, ya alag alag profile bana sakte hai.. Jese Jab Keyword research karna ho to usse related sabhi extension enable kar sakte hai, Youtube use karte time usse related extension enable kar sakte hai.. ya jese cahe wesa set kar sakte hai..

Ye mere favorite extension me se ek hai.. kyu ki agar ye extension nahi hota to me itne extension ek sath install karne ka soch bhi nahi sakta tha.. kyu ki agar 100 extension ek sath install hoge browser me to computer bahut jada slow ho jata.

11. The Great Suspender

Jab bhi hum kisi topic par research karte. haiya kuch search karte hai, aese me kitni sari tabs open karni padti hai agar aap ek blogger hai to aap jante ho hoge..

me agar mera batao to normally kabhi bhi dekh lo 30-40 tabs to open rehti hi hai.. or kabhi kabhi to akda 100+ ke bhi par chala jata hai..

Wese kitni bhi tab open karo usme koi problem nahi, par agar tab open hai or ham usko use nahi kar rahe, fir bhi wo hamare computer ki RAM use kare usme jarur hame problem hoti hai.. kyu ki agar puri RAM hamari inn tabs me hi use hogi to computer bahut slow ho jata hai..

Iss Extension ki madad se ham apni iss problem ko badi aasani se solve kar sakte hai.. simple isme hota ye hai jab bhi koi Tab bahut time se open hai par humne usko open nahi kiya to wo page offline ho jata hai, jiise uss page me use ho rahi RAM hamari bach jati hai.. or jese hi ham uss page ko double se open karte hai wo page fir se load ho jata hai.

Jo Log bahut sari Tabs ka use karte hai, unn logo ke liye ye extension kisi chamatkar se kam nahi hai.

12. Bitwarden – Free Password Manager

Online hamara kisi bhi website par account ko usko secure karne ke liye ek strong password ka rakhna bahut jaruri hota hai, or password strong ho uske liye jaruri hai ham har ek website par alag alag password ka use kare..

Har ek website par alag alag password use to karle, par yaad kaise rakhe.. wass issi problem ko solve karne ke liye ham Password Managers ka use karte hai, jisme ham apne ek master Password ke andar apne sabhi password ko secure karke rakh sakte hai.

Password Manager wese to market me bahut sare hai, aap apni pasand ka koi bhi use kar sakte hai jese 1Password, LastPass, Bitwarden etc

13. ShowPassword

Ye ek chota sa par useful extension hai, jiski madad se ham jo bhi password ya text hide rehta hai website me wo dekh sakte hai..

Jese bahut war hota hai ham kisi website par password dalte hai, wo war war galat batata hai par hame samaj nahi aata ki ham kya galat type kar rahe.. kyu ki jo password ham tiye kar rahe hote hai wo ***** show hota hai..

Iss extension ki madad se ham jo real text hai wo dekh sakte hai..

14. Find & Replace for Text Editing

Kabhi kabhi aisa ho jata hai ki hame kisi ek word ko apni post me har jagha replace karna hota hai.. to ek ek karke sabhi jagah replace karna thoda load wala kam lagta hai or isme time bhi bahut kharab hota hai.

Jese bahut war mere pass koi Post aati hai, jisme ek hi mistake bahut war ki hoti hai to sabhi ko ek ek search karke thik karna bada hi sar dard lagta hai.. issi pareshani ke baad mene iss extension install kiya jisne mera ye kaam ab bahut aasan kar diya.

15. StayFocusd

Agar aapko Focus se kaam karna hai or aap nahi chahte ki aap apne kaam se batak kar kisi website par apna time barbad karne lage to ye extension aapke liye hai.

StayFocusd Extension ki Help se aap jitni bhi Time waste karne wali website hai aap unko Block kar sakte hai.. jisse aap focus se kaam kar payenge ot aapka dhyan faltu chijo me nahi lagega..

Normally hota ye hai ham 2 minute ke liye FB open karte hai or ghanto ussi me barbad kar dete hai or jo apna blogging ka kaam hai wo wahi reh jata hai.. to agar aap chahte hai ki aap focus se kaam kare to aap iss extension ko bhi install kar lijiye.

16. Clockify Time Tracker

Ham kisi Project par kaam kar rahe hai ya kisi Blog Post par kaam kar rahe hai.. jo bhi kaam ham kar rahe. haiya sirf Time pass hi kar rahe hai.. agar ham usko track karte hai to us data ko dekh kar hum samaj sakte hai ki hame kaha apna jada time dena hai or kaha apne time ko save karna hai.

Iss Browser extension ki help se ham apne time ko aasani se track kar sakte hai, or isko Mobile App or website bhi hai to hamara data sabhi jagah syrc bhi ho jata hai.. jisse ham apna jo bhi kaam din bhar karte hai wo aasani se track kar sakte hai.

Track karne se hame pata chalta hai ki ham apna kitna time kharab kar rahe hai ya kitna time ham sahi jagah istemal kar rahe hai. agar success hona hai to uske liye jaruri hai ki ham apne time ko sahi se istemal kare.

17. Ghostery – Privacy Ad Blocker

Jab bhi ham kisi website ko open karte hai to wo hame track bhi karte hai Google Analytics se or dusri scripts se, or bahut si script bhi backgroung me load hoti hai.. sath me ads bhi aate hai.

Agar aap koi Privacy wala kaam kar rahe hai or aap nahi chahte ki jis website ko aap chala rahe hai unko pata chale aapke ware me to aap iss extension ki madad se sabhi tracking ko block kar sakte hai.. isse jo website ki loading time me wo bhi fast ho jata hai.

BLogger hone ke nate me aapko Ad Blocker ka use karne ki salah to nahi doonga.. par agar aap koi aesi website ka use kar rahe hai jis par sab kuch spammy spammy lag raha hai to waha ye extension bahut useful sabit hota hai.

18. What Font – find font

Online Lakho Crore website hai, unpar pata nahi kitne hi tarah ke fonts use hote hai. aese me agar hamne kisi website ko visit kiya ya kisi Image par koi text dekha jo hame pasand aa gaya or kahi hame usko use karna hai.. to aese me uss font ka naam kya hai wo ham iss extension ki help se aasani se pata kar sakte hai.

Hame jis bhi font ka name search karna hai, simple usko select karke hame search karna hota hai.. uske baad jo WhatFont ki directory hai usme wo search hokar naam aa jata hai.

Agar aap ek Web Developer hai to fir to muje kehne ki jarurat hi nahi ki aapko iss extension ki kitni jarurat hai.

19. ColorZilla

Kisi bhi website ka Image me agar koi color hai uske Color Code pata karna hai to ye extension uske liye ek best or aasan option hai, simple hame Extension ko run karke apne mouse ko uss color par lejana hai.

Web Design karte time color Code ki sabse jada jarurat padti hai, or thode se color code change hone par pura color change ho jata hai.. isliye same color code use karna bahut jaruri ho jata hai jo ham iss extension ki help se kar sakte hai.

20. Hunter – Email Finder Extension

Kisi bhi website ke owner se contact karna ho to uske liye email hi sabse best option hota hai.. par kabhi kabhi kisi website par wo email hame aasani se mil nahi pata ki inhone kaha mention karke rakha hai.

Iss Extension ki madad se ham kisi bhi website ke owner ka email search kar sakte hai.

Normally EMail ki jarurat Guest Post outreach ke liye padti hai ya koi dusra kaam ho.. jo iss extension ki madad se bahut aasan ho jata hai, Kyu ki Email milne ke baad wass hame badiya email type karke send hi karna hota hai.

21. Email Tracker for Gmail – Mailtrack

Jab bhi ham kisi ko Mail send karte hai, to hame ye pata nahi hota ki samne wale person ne hamare EMail ko read kiya ya nahi kiya..

Jese Normally aapne Whatsapp par to dekha hi hoga jisme jab samne wala hamara message read kar lete hai to hame pata chal jata hai.. tikh ussi trha iss Browser extension ki help se ham Mail ka bhi pata laga sakte hai ki samne wale ne hamara mail open kiya ya nahi.

Agar hame pata chal jaye ki open kar liya to fir ham usko double se email karke apni baat aage bada sakte hai..

22. Lightshot (screenshot tool)

Online Screenshot lena or usko turant send karke kisi ko bataya thodi lambi process ho sakti hai.. or agar hum apna kimti samay in process me kharab karenge to kaise chalega..

Iss extension ki madad se ham kisi bhi page ya website ka screenshot le sakte hai or usko edit karke turant online upload kar sakte hai ek click me, jiske baad uss image ki share link hame mil jati hai..

Ham uss link ko share karke kisi se bhi apne screenshot ko share kar sakte hai.. ye tool bahut war hamari achi khasi help kar deta hai jab hame kahi turant screenshot share karne ki jarurat padti hai.

23. Grammar and Spelling checker by Ginger

Ham kuch bhi Type karte hai agar usme Spelling ya Grammar mistake ho to jo ham usme kehna chah rahe wo samne wala samaj pata hai or sath sath hamara jo Impression hai wo bhi kharab ho jata hai.

Agar aap nahi chahte ki aapki Grammar mistake ho or koi usko lekar aapko judge kare to aap Iss Chrome Extension ko jarur install karke rakhe.

ye bilkul Free hai or iska Paid Plan bhi hai jisko agar aap lete hai to ye aapki typing habits ko bhi save karke rakhta hai, jisse autosuggestion ki help se ham fast typing kar sakte hai.

Proofreading karne ke liye ye Extension Best hai, or agar aap Blogger hai to Proof Reading to jarur karte hi hoge.

24. Save All Resources

Online kisi bhi website ko Offline pura download karna ho to ye extension best option hai. agar ham khud se karte hai to hame ek ek page alag se karna padta hai, fir bhi sab kuch nahi ho pata.. par ham iss extension ki help se ek click me puri website ko sabhi HTML, CSS, Javascript or image ke sath download kar sakte hai.

Jab bhi ham kisi website ko Download karte hai to uss website ke naam se hi ek Zip file download hoti hai, jiske andar uss web page ki sabhi file hoti hai.. or agar ham uske index page ko open karte hai to wo bilkul same website ki trha open hota hai.

Ye Extension Web Developer ke bahut kaam ka ho sakta hai, kyu ki agar kisi website par hame koi widget ya element pasand aaya to ham iss extension ki madad se aasani se uska code le sakte hai.

25. Bitly | Powerful Short Links

Online koi bhi Long Link ko share karne me ek to wo ugly lagti hai or dusra agar text limit ho to fokat me text bhi jada jate hai.. aese me use aata hai Shot Link Services ka, jinki madad se ham kisi bhi Link ko Short kar sakte hai.

Short Link se ham paise bhi kama sakte hai uske ware me bhi mene pehle share kiya hai.. baki abhi ham extension ki baat kar rahe hai, jiski madad se ham kisi bhi page ya url ko aasani se short karke share kar sakte hai.

26. Just Delete me

Online ham account to bana lete hai hame jarurat hoti hai to, par agar hame kisi account ki ab jarurat hai hi nahi to usko ham fir bhi aese hi chor dete hai jo ki galat hai.. kyu ki aese me hamara jo bhi data hai wo waha rehta hai..

Agar hame apni Privacy ko secure karke rakhna hai to wese to aesi kisi website par account banana hi nahi cahiye jo hamare data ka galat use kare.. or agar bana liya hai to delete kar dena chahiye.

Online kisi bhi Website ka Account kaise Delete kare uske ware me, me pehle hi detail me step by step bata chuka hai.. jisme ham Extension ki madad se ek click me direct kisi bhi account ko delete kar sakte hai.

27. ZenMate Free VPN

Online Apni Security ke liye VPN ka use karna ek accha option hai, jisse jo hamari Original IP address hota hai wo hide ho jata hai or kisi ko pata nahi chal pata ki ham website ko kaha se access kar rahe hai.

Kisi bhi Blocked website ko open karna ho uske liye bhi ham VPN ka use kar sakte hai.

me aapko suggest karuga, agar aap koi bhi aisi website ko use kare jo sahi naa ho ya jisme risk ho ki wo aapko track karke aapke data ka galat use kar sakte hai to aap uss site ko bina VPN ke open naa kare.

28. Link Grabber

Agar koi page hai jispar bahut sari link hai jinhe aapko kahi copy karna hai to ek ek karke copy karne ki jagah aap iss extension ka use kar sakte hai jiski madad se ek click me uss page ki sari link copy ho jayegi.

Jese maan lo aapne Google par kuch search kiya ab jo top 10 website waha aa rahi hai aapko unki link copy karni hai to wo aap iss extension ki madad se badi aasani se kar sakte hai.

Ya Wikipedia ka page ho ya koi bhi website ka aap iski madad se page ki sabhi link ko copy kar sakte hai.

29. Emoji Keyboard

Emoji kya hai ye to aap jante hi hoge, or use bhi karte hoge..

Emoji ka use karne ham apne text message me bhi emotions daal sakte hai.. to agar hame hame apne emotions ko express karna hai to waha emoji ka use karna to banta hi hai..

Ab Apne Blog me Post likh rahe ho ya Facebook, Twitter, Insta par Post kar rahe ho.. agar hame apne Message me emotion add karna hai to usme Emoji to add karni padti hai hai.

Mobile me to keyword me Emojis hoti hai, par agar ham computer par hai to uske liye hame Emoji Keyword ki jarurat hai.

30. Print Friendly & PDF

Kisi bhi website ko PDF me convert karne ke liye ye best extension hai jisme ham page ko PDF me convert kar sakte hai.

Normal tarike se Print karke usko PDF me safe karte hai to usme ads ya har wo chij aati hai jo page me hai, par agar ham iss extension ka use karte hai to ham jo bhi element page se hatana chahe wo hata sakte hai uske baad PDF create kar sakte hai.

31. Web Archiver

Internet par Lakho website hai jo din wa din apna design improve karti hai naye trend ke sath.. to aese me agar hame kisi bhi website ka old page dekhna hota hai to ham Wayback Machine website ka use karte hai jisme ham kisi bhi website ka OLD page dekh sakte hai.

Iss extension ki madad se hame kahi jane ki jarurat nahi, simple jis bhi website ya page ka old version hame dekhna hai waha ham extension ke icon par click karke dekh sakte hai.

32. Tubebuddy

Jis trha ham website ko rank karane ke liye uska SEO karte hai tikh ussi trha youtube Video ko rank karane ke liye bhi hane video ka SEO karna hota hai.. ab aese me hame Keyword nikalna ho ya dusri channel ko spy karna ho to uske liye hame tubebuddy ki jarurat padti hai.

Youtube ke liye useful App me se ek hai tubebuddy, agar aap youtuber hai to extension ko abhi install kar hi lijiye.. uska kya use hai wo aapko khud samajh aa jayega.

33. FatRank

Blogging me ham jis keyword ko target kar rahe hai us par hamari website rank kar rahi hai ya nahi wo check karne ke liye hame google par jana padta hai uske baad bhi dekhna padta hai ki hamari website kis page par hai..

iss extension ki help se ham direct website par hi apna keyword search karke dekh sakte hai, ki hamari website iss keyword par rank kar rahi hai ya nahi or kis number par hamari website show ho rahi hai.

sath me hame ek hi baar me Google or Bing dono ki rank check kar sakte hai.

34. Picture-in-Picture Extension (by Google)

Agar ham online koi video dekh rahe hai or sath me koi dusra kaam bhi kar rahe hai to uss time ye extension bahut useful hai, kyon ki iski madad se hum jo video hai usko popup window me dekh sakte hai jo ham kahi bhi set kar sakte hai to apna dusra kaam bhi kar sakte hai.

ye jo extension hai wo officially Google ki taraf se hi hai, agar aap youtube par video dekhte hai to ye Extension Install karna to banta hai.

35. Tag Assistant Legacy (by Google)

Website parham Google ke jitne bhi codes add karte hai jese Google Analytics ya Google Tag. jinki madad se Google ko hamari website ka content ko samajhne me aasani hoti hai..

Jab bhi ham koi Tag add karte hai to manually usko verify karna ki sahi hai ya nahi thoda muskil padta hai, ya kabhi kabhi galat tag bhi add ho jata hai. parham Google ke iss tag Assistant extension ki help se ache se kar sakte hai.

36. Word Counter Plus

Blogging me ham jo bhi article likhte hai, usme word count ka dhyan rakhna hamare liye kitna jaruri hai wo to aap jante hi hoge.. jitna Long Article hota hai usme ham utne hi jada Keyword use kar pate hai or fir uss article ke utne hi jada chances hote hai rank karne ke.

Keyword Density kya honi chahiye uske ware me, me pehle hi bata chuka hu.. to aapko keyword density ka dhiyan to rakhna hi hai.. sath me aap kitni lambi post likh rahe hai uska bhi aapko pata hona chahiye..

Iss extension ki help se aap text ko select karke aasani se dekh sakte hai kitne words hue ya kitna lamba post hua hai.

37. Page load time

Website ke liye uski Loading speed kitni important hai ye to sabhi Blogger samajte hai, kyu ki agar unki website fast nahi hogi to koi bhi user kyu unki website par aana pasand karega.

Google ne Offilically bhi kaha hai ki Website Speed ek Ranking Signal hai, matlab jo website fast load hogi wo top par rank karegi..

Website ki Loading Speed kaise fast kare uske ware me mene detail me bataya hua hai, jisme mene sabhi points ke ware me detail me share kiya hai.. aapko agar apni website ki speed badhana hai to aap uss article ko jarur read kare..

Iss Extension ki help se ham kisi bhi website ki loading time dekh sakte hai.. jisse hame idea lag jata hai agar 3 second se jada site pura load hone me time laga rahi hai, matlab hame site ki speed par kaam karne ki jarurat hai.

38. Google Mail Checker

EMail ek Blogger ke liye kya hai or time par email ko dekhna or unread message ka reply karna dusre kaam ke sath important hai.

Bahut war Sponsor Post ke liye email aaye, or ham time par uska reply nahi kare to nuksan ho jata hai.. isliye jaruri hai ki hame jab bhi email aaye to uski jankari hame turant mile.

Waise ham Mobile me email ka notification on karke bhi rakh sakte hai, par usse disturb jada hota hai, par ham iss extension ki help se sabhi unread email notification me dekh sakte hai browser me.. or icon par click karke gmail open kar sake hai..

ye ek chota sa par useful extension hai, jo Google ki taraf se hai.

39. RiteTag

Social Media par agar hame apni post ki reach badani hai, jisse wo jada logo tak pabhut sake to uske liye jaruri hai ki hum sahi HashTags ka use kare..

Hashtag kya hai or inko kaise use kare wo aap yaha dekh sakte hai.

Ye jo extension hai iski help se aap apni jo post hai uske according jo keyword hai uske top hashtag find karke apni post me use kar sakte hai.

40. Keyword Surfer

Blogging me agar koi kaam sabse jada important hai to wo hai Keyword Search, jisme ek Blogger ka kaam hota hai ki wo aesa keyword pehle search kare jisko jada log search karte hai fir uss keyword par article likh kar apne blog par publish kare.

Iss Extension ki help se ham direct Google Search Page par hi jo Keyword hamne search kiya uske kitne search result hai uska ek astemate dekh sakte hai. to usse hame ek andaja lag hi jata hai ki ye keyword hamare blog ke liye sahi hai ya nahi.

Keyword Rearch Mistake ke ware me bhi jarur read kare..

41. MozBar

Blogger ke liye ye ek useful extension hai kyu ki iski madad se ham kisi bhi page ki Domain Authority or Page Authority dekh sakte hai, iske sath hi ham Page par jitne bhi link hai wo no-follow ya do-follow wo bhi dekh sakte hai..

Extension ko install karne ke baad ham koi website open kare, ya Google par search kare, uss website se related matrix tume show hoti hai jisse hame Website ki authority ka andaja lag jata hai.

Ab aese me agar hum kisi topic par post likh rahe hai, to jo website pehle se rank kar rahi hai unki kitni authority hai wo agar hame pata ho to hum andaja laga sakte hai ki hame kitni mehnat karni padegi apni website ko rank karne ke liye.

Website ki Page Authority or Domain Authority kya hai or kaise Domain Authority badhaye uski detail me jankari HMH par uplabdh hai,

42. SEOquake

Website ka SEO Audit karna ho ya kisi page ke SEO se related details check karni ho, ye extension uss kaam ke liye best hai.

Iss extension ki help se ham kisi bhi page ki Backlinks, Traffic or ads dekh sakte hai, jisse hame ek acha idea lag jata hai ki website se agar upar nikalna hai to kitna kaam karna padega..

or agar aap apni website ka SEO kar rahe hai to aap iss extension ki help se badi aasani se sabhi SEO error ko dekh kar sahi kar sakte hai.

43. BuzzSumo

Website par agar Traffic lana hai to uska ek aasan tarika hota hai Social Media, jispar ham apni website ko share karke traffic la sakte hai.

Agar hame Social Media jese Facebook, Twitter se jada traffic lana hai to uske liye hame samajna hoga ki use kis trha ka content jada share karte hai, or ye kaam hum iss extension ki help se aasani se kar sakte hai.

Ham Kisi bhi page ka Social Count dekh sakte hai, ki wo kitne war share kiya gaya ya kis kis ne share kiya.. ussi ke sath kisi bhi website ke top sharing page konse hai ya kis page par jada traffic aaya wo sab bhi ham iss extension ki help se dekh sakte hai.

Social Media se Traffic aata hai ye to aap jante hoge, par Kitne tarike hai Social Media se Traffic lane ke wo aapko nahi pata hoge, yaha jarur read kare.

44. Whatsmyserp

Keyword research karne ke liye tools to wese bahut hai, par ye ek chota or useful tool hai.

Jab ham Google me kuch bhi search karte hai, to uss keyword ko monthly kitne log search karte hai, ya Uss keyword par Ads ka Kya CPC chal raha hai ye ham direct Search page par hi dekh sakte hai.

Matlab ham agar kisi keyword ko research kar rahe hai, to hame wahi ye bhi pata chal jayega ki kitne log iss topic ko search karte hai.

45. Ahrefs SEO Toolbar

Ahrefs ek Paid SEO Tool hai, jisme dusre kisi bhi SEO Tool ke mukable hame jada sahi information milti hai.. to aese me agar ham inka browser extension use karte hai to ham kisi bhi website ki SEO Profile ko dekh sakte hai.

Extension ki help se ham Page ki Index detail, Word count, SEo difficulty, Title, description etc dekh sakte hai.

46. SEO Minion

SEO Extension ki list me ye extension bhi badiya hai, jiski madad se ham apni website ka SEO badhiya se kar sakte hai.

Iss extension ki help se ham apni Website ka On Page SEO kar sakte hai, or uska Preview bhi dekh sakte hai ki wo Google me kaisa dikhega, Broken Link check kar sakte hai, or agar koi link 404 hai to usko sahi kar sakte hai.

Ye Google page par bhi show hota hai, jisse hum direct website ki detail check kar sakte hai.

47. Feedly Mini

Agar aap ek blogger hai to aap ache Blog ko follow to jarur karte hoge, jisse aapko achi jankari milti rahe or aap apne knowledge ko grouw karte rahe.

To agar kisi bhi website ko follow karna ho to uska sabse best tarika hota hai ham unki RSS Feed ko subscribe karle..

Me RSS Feed follow karne ke liye Feedly ka use karta hu, jiske website or Mobile Apps uplabdh hai.. to ab aese me mujhe koi article agar pasand aata hai par me usko uss time read nahi kar paya to iss etension ki help se usko Feedly me hum add kar sakte hai.

48. SimilarWeb – Traffic Rank & Website Analysis

Kisi bhi website ki Traffic ya Traffic sources dekhna ho ya website kesa perform kar rahi hai wo dekhna ho to ye ek badiya extension hai jo ki website ka addon hai..

SimilarWeb website hai jispar ham kisi bhi website ka metrix check kar sakte hai, or Extension ki help se ham direct browser me website ka data dekh sakte hai.

Wese ye jo daa hota hai kisi bhi tools ka wo 100% accurate nahi rehta hai, par fir bhi hame ek acha idea lag jata hai.

49. Easy Blog Commenting

Agar aap ek blogger hai to comment kitna important hai wo to aap jante hi hoge.. or aap bhi dusre Blogs par badiya comment jarur karte hoge.

iss extension ki help se ham apni Comment Profile bana sakte hai, jisse jab bhi ham kahi comment karne jate hai to baki ki jo field hai wo automatic fill ho jayeti hai jisse hamara bahut sara time bach jata hai.

Iss extension me ham ek se jada comment profile bhi bana sakte hai, ye specially uss time bahut kaam aata hai jab ham apne kisi blog ke liye comment backlink bana rahe ho.

Bonus *

50. Awesome Screenshot & Screen Recorder

Browser me kisi website ka screenshot lena ho ya screen record karna ho ham iss extension ki help se kar sakte hai or kuch hi clicks me kisi se bhi online share bhi kar sakte hai.

Screen Record karne ke sath sath Pan Tool bhi milta hai, jisse ham video me ya Image par kuch bhi Drar kar sakte hai..

Jese kabhi kabhi aisa ho jata hai na hame website me kisi ko kuch dikhana hai to ham screenshot lekar uspar highlight karke send kar sakte hai.

51. Majestic Backlink Analyzer

Website ki Backlink check karna ho ya ye dekhna ho jo Backlink website par aa rahi hai unki quality kesi hai uske liye ye extension badiya hai..

Ham Iss extension ki help se kisi bhi website ya Page ki backlink direct ussi page par dekh sakte hai..

Agar Bad Backlink hai to usko ham remove karke apni website ki quality achi rakh sakte hai, ussi ke sath Quality Backlink bana kar apni website ko rank kar sakte hai.

52. SEO Analysis & Website Review by WooRank

Website ka SEO Check karna ho ya dekhna ho website Search Engine me or Social Media par kesa perform kar rahi hai uske liye ye best extension hai.

SEO Audit ke liye waise to or bhi tools uplabdh hai, aap agar apni website ka SEO kar rahe hai to iss tool ko bhi ek try de sakte hai.

Onpage SEO to ham isme dekh hi sakte hai uske sath technical SEO or Off Page SEO bhi ham ispar analyse kar sakte hai.

53. Enhancer for YouTube™

Extension ke naam se hi samaj gaye hoge ki isko use karne se kya hoga..

Youtube par jitne bhi function hame milte hai, usse kai guna jada function youtube website me add ho jate hai iss extension ko install karne ke baad, jisse jo hamara youtube use karne ka experience hai wo kai guna badh jata hai.

Iss extension se itne sare useful option youtube me add ho jate hai, ki me chahunga aap yaha read karne se acha ek war Install karke khud try kare.. pasand naa aaye to aap bhale baad me extension ko remove kar dena.

At Last:

Ye jo Chrome Extension hai jo me Blogging ke liye use karta hu, or mujhe lagta hai in useful extension se Blogger ka bahut sa kaam aasan ho jata hai..

me aapko suggest Karuna agar aapke pass Chrome Browser hai to aap inn sabhi Extension ko Install karke rakhe or jab bhi kisi extension ki jarurat ko usko activate karle.

Extension ki help se hamara kaam to aasan hota hi hai, sath sath Time bhi bach jata hai.. isliye agar Productive kaam karna hai to Extension to Install hona hi chahiye.

Mene jo List Share ki hai Blogger Useful Extension ki usme agar koi useful extension reh gaya to to aap mujse comment me uska naam or uska use jarur share kare.. or aapko ye jankari kesi lagi wo bhi jarur bataye.