Yeh toh tay hai ki Pinterest ka naam aap ne Internet par lakho baar suna hoga kabhi kisi blog par, kabhi websites par aur kabhi YouTube channels par. Poore Internet par mano yeh chaa sa gaya hai par shayad hi aapko is site ki achi jankari ho aur aap iska use karte ho.
Mere hisaab se yeh bahut hi interesting site hai aur yeh aapko bahut kuch naya sikha sakti hai saath hi agar aapka koi business hai toh aap Pinterest par use promote bhi kar sakte hai. Agar aap janna chahte hai ki kya hai ye Pinterest aur iska istemaal kaise kiya jaye toh humara yeh post zaroor padhe.
Pinterest Kya hai
Facebook aur twitter ki tarah Pinterest bhi ek famous social networking site hai, Yeh ek photos share karne ke lie saal 2010 mein launch ki gayi thi aur dekhte hi dekhte ye itni jyada popular ho gayi ki ab is par 100 million se bhi jyada logo ne register kar liya hai. Itni jyada lokpriyata ko dekhte huye isme kuch naye features bhi add karna zaroori samjha gaya jaise ki video aur messaging.
Yeh website tezi se aage badh rahi hai, Pinterest aur baki sites jaise facebook, Twitter aur Google Plus se thoda alag hai isme khaas baat yeh hai ki is par 75% se bhi jyada users females hai.
Pinterest par ek board hota hai jispar aap apne interest ke mutabik koi video ya fir image pin kar sakte hai. Ise virtual bookmark bhi kaha ja sakta hai.
Account banane ke liye www.pinterest.com par jaye.. or Account banane ke baad Hindi Me Help ko Follow karna naa bhule..
Pinterest kyu Istemal me laya jaye?
Hum Internet ka istemaal har tarah ki information search karne ke liye karte hai, search to aasani se ho jata hai par jo bhi hum search karte hai woh organize nahi reh paata. Agar baat ki jaye Pinterest ki toh yaha ek board milta hai jaha par hum apne interest ki cheeze organized tarike se set kar sakte hai aur wo wahi par rahti bhi hai maine pehle bhi btaya hai ki yeh ek tarah ka bookmark hi hai.
Aapke career me Pinterest ka role:
Ab agar baat aaye aapke career ya aapke business ki toh Pinterest aapki bahut help kar sakta hai. Aaj ke time par lakho log Pinterest par apna business start kar chuke hai ab aap soch rahe honge, Pinterest par apna business kaise kar sakte hai toh mai bata du ki ye bahut hi saral hai.
agar aap koi fashion designer hai toh apne design kiye hue clothes ko Pinterest par show kar sakte hai isi taraf aap web designing, graphic designing ya fir kisi aur cheez ka bhi portfolio is par daal sakte hai log aapke product ko dekh sakenge. aur agar uhe kuch pasand aya toh woh product ke order ki bhi aapse request kar sakte hai.
Agar aapka koi blog ya YouTube channel hai toh bhi aap Pinterest par use promote kar sakte hai.
Toh dosto yeh toh tha Pinterest ka introduction. Pinterest ka craze badhta hi chala ja raha hai agar aapne abhi tak Pinterest par account nahi banaya hai toh aaj hi bana lijiye aur aapka account hai to Hindi Me Help ko Follow jarur kare :)
