2k19 Goal – HMH Target jo is Saal Hasil karna hai

Hello, Sabse pehle to aapko Tahe Dil se Naye Saal ki bhut bhut Subkamna, me aasha karta hu jo aapke Goals hai wo aap 2k19 me hasil kar paye, or ye saal abhi tak ka sabse acha saal rahe aapke liye.

Naye saal ki jab sirubad hoti hai to bhut log apne New Year Resolution banate hai ki wo aesa kare wesa karege.. Jitni bhi buri aadate hai log unko chhodne ka plan karte hai to kuch achi chije start karne ka plan banate hai..

January ko bhut log GYM join karte hai, to kuch naya kaam start karte hai.. ya fir 1 January ko wo kaam karte hai jo unko pasand hai ya jo unko acha lagta hai, ye soch kar ki jo kaam wo aaj karege wo pure saal karege.

Wese Achi Chijo ki sirubad karna bhut achi baat hai, par uske liye jaruri nahi ham 1 January ka intjar kare. ham kabhi bhi kar sakte hai.. fir bhi agar ham January se start kare to usko aasani se dekh payege ki jo hamara Goal hai wo pura hua ke nahi.

Agar hame kuch hasil karna hai, to usko pane ke 80% chance badh jate hai agar ham usko Goal set karke sahi tarike se kaam kare..

Bina Goal ke kaam karna tikh uss trha hai, ki Aap ek Race kar rahe ho, par aapko nahi pata aapko kaha phuchna hai or kis Direction me jana hai, to aapki mehnat bhi kaam nahi aayegi. agar aap apna Goal set kar dete or uske liye Time set kar dege to aapko pata hoga.. aapko Kitni Speed se chalna hai or kis direction me jana hai.

To agar aapka koi Bhi Goal hai to usko jarur set kare, fir uske liye plan banaye ki wo aap kaise hasil kar paoge.. or uske liye aapko kya karna hoga.

New Year Goal Kaise set kare

Agar hamara koi Goal hai to usko sahi trha se set karna bhi bhut jaruri hai, taki usko paya ja sake. To agar aap Apne liye Goal set karna chate hai to inn bato ka dhiyan rakhe.

1. Goal Long Time ke liye set kare, kam se kam 1 saal.
2. Jo bhi Goal set kare, wo paya ja sake aesa ho.. ye nahi ki abhi aapke pass ek rupa bhi nahi or aap Goal set kare ki muje ek saal me duniya ka sabse amir insan banna hai.
3. Jo Goal Set kar rahe hai, usko pane ke liye aapko kya karna padega, wo achi se aapko pata hona chaiye.. ye nahi aap apna Goal kisi or par Chhod de, ki agar wo aesa karega to muje ye mil jayega.. Goal aesa set jo pura aapke kaam par nirbhar ho.
4. Goal agar ek saal ka hai, to usko chote chote hisso me bate.. jese agar kuch hai jo aapko ek saal me pura karna hai to uske 12 hisse kare.. or har mahine dekhe ki jo aapka Goal hai uska pehla hissa aap hasil kar paye ya nahi.. uske according apne kaam karne ke tariko ko improve kare.
5. Jo aapke Goal hai, uske liye aapko Daily kya karna hoga wo Time Table banaye or Time Table bana kar kahi rakh naa de.. usko Follow kare.
6. Jo bhi aapka Goal hai wo yaad rahe or ham apne raste se naa bhatke uske liye apne Goals ko aesi jagha lagaye jisse wo najro ke samne rahe.
   • Bedroom ki diwal par uska Poster lagaye.
   • Mobile ka Wallpaper set karke rakhe.
   • Alert set karke rakhe, jisse time to time goals ke alert milte rahe.
7. Kisi Dusre ko dekh kar apna Goal set naa kare, apne aap ko dekh kar khud Goal set kar sake.. Jisko aap kar paye.
8. Jo bhi Goal set kare, unki limit itni rakhe jo possible ko achieve karna. jo bhi target hai unko apni limit se thoda jada rakhe..

Inn bato ka dhiyan me rakh kar jo bhi aap karna chate hai uska Goal set kare.. jisme aapko Time limit or uska target set karke kaam karna hai or kaam ko time table se karna hai..

Agar aapko apna Goal set karne me koi bhi problem aaye to aap comment me puch sakte hai.. or aapne agar koi Goal set kiya hai to comment karke hame bhi bataye..

Chaliye ab baat karte hai, HMH ke Goals ki jo mene 2019 ke liye set kiye hai.

HMH Goals for 2k19

Hindi Me Help ka main maksand Paise kamana nahi hai, jo main maksad hai wo Hindi ke Basic se Advance user ki Help karna.. jisme bhut hadd tak success bhi mili hai.. par ye kaam aesa hai jo kabhi khatam nahi ho sakta..

to ussi ko aage badate hue HMH ka pehla Goal hai iss saal kam se kam 30 New user ko Blogging sikha kar unke iss layak banana hai ki wo khud ke damm par blogging kar paye.

Iss Target ko pura karne ke liye me jald hi Work start karuga, jisme me unn logo ko select karuga jo muje lagege ki wo kuch karna chate hai.

HMH Goal 2 hai Youtube Channel par 1+ Lakh subscriber karna jo abhi 44,890 hai..

Agar aap Internet use karte hai to aapne ye to notice kiya hi hoga ki user aajkal Video dekhna jada pasand karte hai.. to aese e trend ke sath chalte hue HMH me Video content ke form me bhi Information share kiya jayega..

Iske aalawa Personal Life ke liye bhi kuch target hai, jisme muje kya lena hai, kya karna hai, wo sab goals hai..

–

To Last me, me aapse wass yahi ummid karta hu, naya saal aapki life me naya ujala laye or aap jo bhi kaam kare usme success paye..

Goal jarur set kare.. or jab usko hasil karle to iss post par comment karke muje jarur bataye.. muje bhut khusi hogi agar aap apne goal ko pane me successful rahe.