Agar aapka koi Blog ya Website hai or aap usse Ads laga kar Adsense se Earn karte hai to Ad blocker hamare liye kitne dukhdai hai ye to aap samajte hi hoge.
Adblocker ki madad se user kisi bhi website ke ads ko band kar sakta hai, jiske karan ham kitni bhi mehnat karke content likhe, par uska koi fayda hame nahi ho pata kyu ki ads blocked hone ke karan hamari earning hi nahi hoti.
Ad Blocker ko kaise allow kare hamari site par ads dikhane ke liye wo janne se pehle thoda Ads Blocker ke ware me samaj lete hai ki ye akhir ye kaam kaise karte hai.
Ads Blocker Kya hai?
Ads Blocker Browser ke liye extension hote hai, jisko agar koi user apne browser me install karle to uske baad wo kisi bhi website par visit karta hai to us website ke sabhi ads block ho jate hai.
Isse jo User hai usko ye fayda hota hai ki jo website hai wo clean dikhti hai or load fast hoti hai, iske sath sath user ka Internet Data bhi kam kharch hota hai.
Ads Blocker ka use karna kahi kahi majboori bhi ho jata hai jab website par samajh hi nahi aaye ki ads konse hai ya website ka content konsa hai. Par aese me jo website acha content publish kar rahe hai or unki mehnat ka hissa unko mil jaye uske liye ads lagate hai to ads blocker ke karan unko bhi Nuksan hota hai.
Ads Blocker ko ON karne ke baad wo website ko scan karte hai, uske baad jitni bhi third party script ads ke liye load ho rahi hoti hai unko block kar dete hai, jiske karan jitne bhi ads hai wo load hi nahi hote.
Ab baat aati hai ki user ki kahi kahi to majburi hoti hai ads blocker ka use karne ki warna website hi samaj nahi aati.. par user bhi samajhte hai ki website par content dalne me mehnat lagti hai, or wo jis website ko pasand karte hai unke ads dekhne me bhi unko koi problem nahi, par unko pata nahi hota ki wo aisa kar sakte hai, jis website ke ads wo allow karna chahe wo kar sakte hai.
Ads Allow karne ka option Extension me hi hota hai, par jada tar user ko pata nahi hota… or agar kisi ko hota bhi hai to unka dhiyan nahi rehta ki mene ads block kar rakhe hai unko iis website par allow kardu.
Wese iska solution Bloggers ne pehle hi nikal liya tha, jisme ek script banai thi jo ads block hone par load hoti hai jisme likha hota hai ads allow karo agar website ko access karna hai. ye tarika bhi waise to badiya hai par agar adsense policy ki baat kare to ham adsense ads ke upar koi layer use nahi kar sakte.. to aese me thoda risk rehta hai adsense ke sath kisi script ka use karta.. par ab uska solution aa chuka hai kyu ki adsense ne khud hame Adblock ko Message display karne ka option de diya hai.
Ad Blocking Recovery
Adsense Ad Blocker Popup ko website me add karne ke liye inn steps ko Follow kare:
Apne Adsense Account me login karne ke baad Privacy & messaging par jaye uske baad Ad Blocking Recovery par click kare.
Ab Popup Create karne ke liye Create message ki button par click kare.
Ab aapke samne ek popup open hoga, jisme aapko Ad Blocker on hone par jo message show karna hai wo setup karna hai.
- Apni website ko select kare jispar aap setup karna chahte hai adsense me.
- Language select kare, jisme message ko display karna hai. (HIndi, English etc…)
- Message ko kaha or kaise display karna hai wo select kare.. isme hame 3 option milte hai.
- Center with Close Button
- Center without Close Button. (isme bina ads allow kare user website access nahi kar payenge)
- Bottom Pinned: jisme niche message display hoga.
- Allow Ads ki button ko On karna hai, jisse user Button par ek click karke ads allow kar sake hamari website par.
- Custom Choice Advance user ke liye hai, jisme aap koi subscription service add kar sakte hai jisse user ko ads bhi naa dikhe or wo website ko access kar sake. aap isko Off hi rehne de.
- Recovery Message ka koi bhi Naam de.
- Sab chije set karne ke baad Publish button par click karde.
Jab aap website ko select kare, to usme samne Add Logo ka option hoga, usme apni website ka logo jarur add kare, jisse wo message me display ho sake.
Message me jo bhi aapko show karna hai, wo aap Preview dikh raha us par click karke usko edit kar sakte hai.
Ab aapka Message Create ho chuka hai, isko website me add kar hai, uske liye Tagging par click karke Code ko copy kare.
Ab aapko iss code ko apni website ke header me paste karke save karna hai. isko aap apne theme ke code me, ya kisi plugin ka use karke bhi add kar sakte hai.
Agar aapko isme koi problem aati hai to aap comment karke puch sakte hai..
Iss tarah aap apni website ka jo ad revenue ad blocker ke karan kho rahe the wo pa sakte hai.. jese ki aap dekh sakte hai mene jese hi isko HIndiMeHelp.com par add kiya to message 2% user ko dikha website par jinhone ad blocker on karke rakha tha… matlab hamari jitni bhi earning ho rahi rahi thi uska 2% to adblock ke karan hi ka ho raha tha..
To ab aap samaj gaye hoge, AdBlock kya hai or isse website owner ko kya nuksan hai, or kaise AdBlocker ko ham apni website par allow karke hamara earning ko bada sakte hai.
Aapko kya lagta hai isse hamari earning par kesa aasar padega, or kya ad blocker use karna sahi hai ya galat.
