Copy Kiye Content ko Google se Kaise Remove karaye

Jab bhi ham koi badiya content likh kar apne Blog par publish karte hai, usko bahut log copy karke apne blog par daal dete hai..

Agar aapka Blog hai to ye problem aapko kabhi na kabhi jarur aai hogi, jisme aapne apni mehnat se ek badiya content likh kar publish kiya.. or jab Google me search karke dekha to aapke blog ke sath dusra blog bhi aa rahe ho jisme pura aapka copy kiya ho.

Wese to Google pehle se bahut advance ho gaya hai, or agar koi copy karta hai to Google usko automatic hi Remove kar deta hai.. par Google akhir hai to ek Machine hi, to kabhi kabhi copy content bhi show kar deta hai jo original content ke bhi upar rank kar raha hota hai.

Mene Pehle hi Detail me bata chuka hu, Dusre Blog se Copy karne ke kya fayde or Nuksan hai.. agar aap ek blogger hai to uss post ko jarur read kare..

To agar aap apne Blog ko lekar series hai or chahte hai koi aapke mehnat se likha content ko copy karke uska galat fayda naa uthaye to aap usko Report Google me karke uss content ko remove kara sakte hai.

(Note: Blogger/Blogspot platform Google ka hai ye to aap jante hi hoge, to agar aapki post koi copy kar raha hai to Google uss Blog ko bhi delete kar sakta hai, itni Power Google ke pass hai.. par agar koi aapka content copy karke kisi dusre Platform par publish kar raha hai jese Self Hosted WordPress to Google usko delete nahi kar sakta.. par fir bhi aap Google me report karke usko Google search se remove kara sakte hai.)

Jab bhi ham kisi copy content ki report karte hai to usme lagbhag 2-10 din lagte hai, ya isse jada bhi lag sakte hai.. isliye jab bhi aap kisi content ki report kare.. uske baad thoda wait kare.

Copied Content ki report karne se hamari ranking bhi improve hoti hai, kyu ki Google copied content ko search me nahi dikhata, jisse compitutation kam ho jata hai.. or user trust bhi badta hai.

Kisne hamari Post Copy ki hai kaise Check kare

Agar aap badiya content apne blog par dalte hai to aesa to ho hi nahi sakta kisi ne aapki post copy naa kari ho.. specially New Blogger aisi galti karte hi hai, kyu ki unko nahi pata hota ki copy karke Blog se paise nahi kama sakte or wo sochte hai badiya badiya content copy karke apne blog par daal deta hu jisse bahut sare paise mere paas aane lage ge. or iss karan blog se paise kamane me fail ho jate hai.

Aapko Agar check karne hai ki aapki post kis kis ne copy ki hai to simple aap apni post ki kisi bhi 2-3 line ko copy karke Google me search kare. to aap dekhege jitne bhi website hai jinpar wo line hai wo search me aa jayenge.. uske baad aap uss website ki report karke usko search se remove kara sakte hai.

Apna Copy Content pata lagane ke tarike:

• Grammarly ka use karke Copy Content ka pata lagaye
• CopyScape Services ka use karke copy content ka pata lagaye.
• DMCA Widget website me laga kar copy hone par notification receive kare
• Double Quotes (“”) ke bich me Post ki 2-3 line likh kar Google search kare.

*Example Google me Copy content search karne ka

"iss tarah jo bhi aapki line hai uske starting or last me double quotes"" laga kar google me search kare, jisse Google sirf unn page ko dikhayega jispar ye bilkul same line hai"

koi agar hamari post ko copy karta hai to usse hame kya paresani aati hai ya kya nuksan hai wo to aap samaj gaye hoge, or kaise pata kare kisne hamari post ko copy kiya hai uska tarika bhi mene aapko bata diya..

Copied Content ko Google me Report kaise kare

Sabse pehle to aap unn website or page ka list bana lijiye, jinhone aapki website se content ko copy karke apni website me publish kiya hai.. uske baad simple Google DMCA Page par jakar uski report kar dijiye, or jitni bhi information waha mange wo sahi sahi fill kar dijiye.

*Aap Google DMCA Page par jane ke liye g.co/legal (Short link) ko bhi apne browser me type karke open kar sakte hai.

Page open karne ke baad aapko Page me niche ek button milega, “Create a Request” us par click kare.

Ab jo next page open hoga, usme select kare.. aap content ko konse platform se remove karana cahte hai. aap jis post ka report kar rahe hai wo blogger platform par hai to aap blogger/blogspot select kare.. agar copied content kisi self hosted platform par hai to Google search kare..

Note: Dhiyan rakhe, jitne bhi Google ke Platform hai, agar aap unse apna content remove kara rahe hai to Google unko delete bhi kar sakta hai.. jese agar wordpress par hai to aap usko Google Search se remove kara sakte hai, par uss post ko Google me report karke delete nahi kara sakte.

Ab aapko kuch option select karne hoge, jis content ki aap repost kar rahe hai uske baare me.. jese aap copy kiya content konse platform se remove karna chahte hai, content kis type ka hai, kyu content remove karana chahte hai etc.

Agar aapko Google search se kisi content ko remove karana hai to aap ye option select kare:

• What Google product does your request relate to? : Google Search
• Which product does your request relate to? : Google Search
• Intellectual property issue: report copyright infringement, circumvention, etc.
• Copyright infringement: my copyrighted work is being used illegally without authorization
• Yes, I am the copyright owner or am authorized to act on the copyright owner’s behalf
• Other

ye option select karne ke baad “Create Request” button par click kare.

**Aap sabhi option ko dhyan se select kare, kyu ki agar aap galat option select karenge to Google aapke report par koi action nahi lega.

Button par click karne ke baad New Form open hoga, jisme aapko original content or copied content ki link or apni baki detail daal kar submit karna hai.

Dhiyan rakhe, aapko sirf sahi sahi jankari hi fill karni hai, or uske baad pure form ko double se dekhne ke baad hi submit karna hai.

Agar aapko Form fill karne me koi paresani aati hai to aap comment karke puch sakte hai, ya kahi kuch samaj nahi aa raha ho to aap be jhijhak puch sakte hai.

Report karne ke baad aapka kaam khatam hua, aap ab wait kare aapki report par action ke liye.

Direct link Copy content ki report karne ke liye:

• Blogspot Blog copy content ki report yaha kare
• Other Platform copy content ki report yaha kare
• WordPress.com Blog Copy content ki report yaha kare
• Linkedin ki port yaha kare

Aap ek war me, ek se jada links ki report bhi kar sakte hai, simple jitne bhi copied content link hai unko alag alag line me add kar dijiye.

Iss Tarah aap copy content ki report karke usko delete kara sakte hai, or Google search se remove kara kar apni Blog ki original Traffic ko improve kar sakte hai.

Koi agar aapke blog ko manually copy to nahi kar raha, par aapke Blog RSS ka use karke aapke post ko apne blog par automatic publish kar raha hai or paise kamane ke liye Adsense ka use kar raha hai to aap iss Form ka use karke Google Adsense me report kar sakte hai.. ye to aap jante hi hoge, Adsense Policy ke according koi Ads copied content par nahi laga sakte.

To ab aap jaan chuke hai kaise hum kisi bhi copy content ki Google se report karke usko remove kara sakte hai.

Hum sirf Article hi nahi, koi bhi Content jese Image ya Video ya dusra koi content hai uski report bhi kar sakte hai.

Apna Content Copy Hone se Kaise Bachaye

Wese to duniya me har trha ke log hai, to aesa kehna ki ham puri trha se apne content ko copy hone se rok sakte hai ye sahi nahi hoga.. par kuch tarike hai jinki madad se ham apne blog se logo ko copy karne se kuch had tak rok sakte hai.

• Blog par Text selection disable kare, ya Mouse Right Click ko disable kare, jisse koi Blog ki post ka text karke copy naa kar paye.
• DMCA Badge laga kar apne content ko protact kare.
• Script ka use karke automatic apne Blog ki link last me add kare, agar koi aapka content ko copy karta hai to.
• Agar koi copy kar raha hai to unse contact karke copy karne ke liye mana kare, or usko Copy karne se kya nuksan hai uske baare me bataye.. iske liye aap HMH ki post bhi aap unse share kar sakte hai.
• Aapka jo content hai agar aapke pass uske Official rights hai jaise aapne apni company ka Trademark le rakha hai to aap unke upar legal action bhi le sakte hai.

At Last:

Ummid hai aapko ye jankari pasand aai hogi, or ab aapko clear bhi ho gaya hoga, agar koi aapke content ko copy karke aap ka nuksan kar raha hai to aapko kya karna hai or kaise usko remove karana hai.

Me aapko suggest karuga, aap apni website ko mahine me kam se kam ek war check kare, ki kitne post aapke copy hue hai or unka report kare.. jisse jo aapka traffic hai wo kam nahi hoga, or jo copy kar rahe hai wo bhi copy karna band kar dege.

Aapko agar abhi jo jankari di usme kahi kuch bhi confusion hai to aap comment karke puch sakte hai, or aapko ye jankari kaisi lagi ye bhi comment me jarur bataye.