Hindi Ya Hinglish kon hai Best Blog ke Liye by Google

Friends, Agar aap Hindi Blogger hai aapne iss topic par jarur socha hoga, ki yaar kis language me post karu, konsi language mere liye best rahegi, kis language me jada traffic aayegi, Reader konsi language me read karna pasand karenge, jada paise kisme kama paoga, Google kisko jada support karega.. Iss tarah ke pata nahi kitne sawal aapke dimag me aaye hoge.. or aap kahi naa kahi thode confuse bhi hoge ki yaar konsa Best rahega Hindi ya Hinglish ?

Hindi Ya Hinglish ispar bhut se blogger ne phele hi post share ki hai, jisme unhe kya lagta hai, wo unke expriance ke hisab se unhone bataya.. Kisi Blogger ne Hindi ko Support kiya, to Kisi ne Hinglish ko.. Koi Blogger Hinglish se Hindi me chale gaye to koi Hindi se Hinglish me aa gaye..

aese me sabke dimag me ek doubt to ban hi gaya ki yaar, mere liye kya best rahega..

Me aapko mera kya nazariya hai wo batao ga.. me kisi ek language ko support nahi karuga, or naa aapko kahunga ki aap iss language me blogging karo.. wass me apne tarike se jitne bhi point hai unko clear karne ki kosis karuga, taki aap ka jo confusion hai wo dur hojaye.

Me aapne Kuch sawal puchuga, Jiska jawab aap khud ko dena.. or unhi sawalo ka mera kya jawab hai wo me aapko is Post me hi batayega.. par ho sakta hai aapke kuch jawab mere jawabo se alag ho.. par aapko usse ye to clear ho hi jayega ki aapke liye konsi language Best rahegi.

To chaliye start karte hai, aap apne jawab ko agar kahi likhenge to or jada sahi rahega aap ke liye, taki last me jab aap apne pure jawab dekhe to aapko aapka answer mil jaye ki aapke liye konsi language best hai.

Must Read: Hinglish Spell Check kaise on kare Browser me.

Hindi Ya Hinglish konsa hai Best ?

Que 1: Aap Blogging Q kar rahe hai ?

Ye sawal aap apne aap se puche or jo bhi jawab aapke mind me sabse pehle aaye samajh jao aap ussi ke liye blogging kar rahe hai.

Mera jawab: Me Blogging isliye kar raha hu q ki ye mera passion hai, mera sok hai, or mera jo passion hai me usme logo ki help kar pa raha hu, ye baat mere liye sabse badkar hai jo muje blogging me continue karne par majbur karti hai.

Que 2: Aapka Blogging karne ka maksad kya hai ?

Aap Q blogging kar rahe hai wo aap ache se jante hoge, jo bhi hai wo aap likh le..

Mera jawab: Me Blogging isliye kar raha hu, taki jo mere jese log hai unki me help kar saku. or jo problem muje aai uska solution me logo ko de saku.

Que 3: Blogging me aapka kis topic me jada interest hai ?

Aap blogging kar rahe hai to jo aapka blog topic hai wo bhi bhut mayne rakhta hai, q ki usme aapka interest hona bhut jaruri hai. jo bhi aapka topic hai wo aap likh lijiye.

Ab jese agar maan lo aapka topic hai Motivation to mere hisab se Hindi me likhna jada sahi rahega, q ki agar koi motivation article muje nahi lagta Hinglish me read karna pasand karega.. Ye sirf mera point of view hai.. ho sakta hai aapko Motivation article bhi Hinglish me read karna pasand ho.

Mera jawab: Internet n technology hai mera topic, jisme se Youtube, Blogging, or Internet Main Topic hai..

Agar aapko clear nahi hai ki aapka sabse jada interest kisme hai to aap hamara ye article jarur read kare: Apna Interest kisme sabse jyada hai pata karne ka tarika or aap SWOT se bhi pata kar sakte hai.

Que 4: Aapka Blogging karne ka Main karan kya hai – Paisa, Name Fame ya kuch or ?

Aap Blogging q kar rahe wo bhi aap jante hoge, ho sakta hai Paise kamane ke liye, Naam kamane ke liye, ya dono ho sakta hai.. ya fir ho sakta hai inse hatke bhi kuch ho.. jis baja se aap blogging kar rahe hai.

Mera jawab: Me Blogging kar raha hu, sirf isliye ki koi ek din mujse aa kar kahe, Rohit Bhai aapki baja se meri life ban gai.. or ye jo koi bhi mujhse kahe wo aise hi nahi.. uske dil se nikle ye mere liye.. sirf isliye me blogging kar raha hu.. or rahi baat Name fame, ya paise ki to agar ham acha kaam karte hai to ye to apne aap hi aa jate hai.

Agar aapka blog to hai par aap usse paise nahi kama pa rahe to aapke liye bhi ek Post hai jo aapko read jarur karni chahiye: New Blogger Blog Se Paise Kamane Me Kyo Fail Hota Hai

Que 5: Likhne me konsi language aapke liye aasan hai ?

Blogging kar rahe hai to type to karna hi padega, ab aap ye bhi dekh le aapko kisme type karna aasan lagta hai.

Wese agar aapko Hindi Type karna nahi bhi aata to bhi koi tension wali baat nahi hai, aap Google Input tool ka use karke badi aasani se hindi type kar sakte hai.

Mera jawab: Waise mera iss sawal ka jawab to aapko pehle se pata hoga, ki muje Hinglish me type karna hi jada best lagta hai..

Que 6: Aap kisme read karna pasand karte hai ?

Aap kisme read karna pasand karte hai, ho sakta hai aap ko English me pasand ho, Hindi ya fir hinglish..

Mera jawab: Aapko sayad pata hoga HMH sabse pehla blog hai jispar Hinglish me post dali gai.. q ki HMH ke phele koi blog nahi tha jo hinglish me blogging kar raha ho.. Jab mene blogging me series hoke kuch karne ka socha uss type muje ye bhi nahi pata tha ki me agar Hinglish me type karuga to muje ads approve hoge ke bhi nahi blog me. q ki ye me bhi janta tha ki ye koi language nahi hai.. par mene yaha paise naa dekhte huee sirf apne talent ko share karna sahi samja..

Aapko pata hai me Hinglish me Post q likhta hu, Q ki muje starting me muje Jab kuch nahi pata tha to mujhe iss type ka hi content chaiye tha jisme Hinglish me blogging ke ware me likha ho.. or HMH banane ka mera maksad hi ye tha ki jo mujhe problem aai uska sloution me mere jese logo ko du.. taki jin problem ka samna muje karna pada or kisi wo uska samna naa karna pade.

Que 7: Aapke Blog ke Reader hai wo Kis type ka Read karna pasand karte hai?

Aapka jo blog hai, wo kis type ki information share karta hai, or kon aapke reader hai or wo kis trha se read karna jada pasand karte hai.. ye bhi aapke liye important hai.. par isme usse jada main hai aap bhi usme comfortable ho.

Mera jawab: Muje to Hinglish hi pasand hai, or me blogging mere jese logo ke liye kar raha hu, matlab mere readers ko bhi hinglish hi pasand hai..

Que 8: Aap blogging karke kya share karte ho.. or usse logo ko kya fayda hai ?

Iss sawal ka jawab aap thoda soch kar de, q ki aap jo bhi dalte hai apne blog par wo aap kaha se late hai, uske liye kya karte hai, or jo aap dalte hai usse kisko fayda hota hai ye sab bhut important hai.

Mera jawab: Me Blogging karke mera jo bhi experience hai ussi ko share karne ki kosis karta hu.. or sabse main baat agar muje blogging sirf paise ke liye karni hoti to me Hindi me Blogging kabhi nahi karta.. par muje paise nahi chaiye the, or mujhe pata hai ham kitne paise ke layak hai utne paise apne aap hamare tak khiche chale aate hai.

Que 9: Aap dono language me se jada kisko pasand karte ho or q ?

Aap Hindi ya Hinglish me jada kisko pasand karte hai, iss sawal me overall chije aa jati hai, jese read karna, likhna, share karna, dekhna, type karna.. har point ko dekhne ke baad aap kisko jada pasand karte hai..

Mera jawab: Wese aap ko mere iss sawal ka jawab bhi pehle se pata hoga.. ;)

Hindi Ya Hinglish se jude Myth

Ab kuch Myth jo Hindi ya Hinglish ko lekar hai unpar bhi baat kar lete hai, q ki mene dekha hai log Hindi ya Hinglish ko leke kya kya dharna bana kar baithe hai.

Myth 1: Hinglish use karna Hindi Bhasha ka apman hai ?

Mene Dekha kuch logo ne, iss type ki bate bhi boli thi ki agar ham Hinglish me post likh rahe hai, iska matlab ham Hindi ka apmaan kar rahe hai.. to mera iss point par ye kehna hai.. agar aap ye khe rahe hai ki ham hindi ka apman kar rahe hai.. uski jagah aap ye bhi to keh sakte hai ki ham hindi ka maan bada rahe hai, Q ki hindi type karna nahi aati to English me Hindi Type karke Hindi ko badawa de rahe hai..

Baki ye sirf normal baat hai.. aise kisi bhi tarah se likhne se kisi bhasa ka koi apmaan nahi hai, bhasa sirf ek jariya hai apni baat ko dusre tak phuchane ki.. Ab agar me jis bhasa me kuch bata raha hu samne wala usko samajta hai to problem hi kya hai..

Myth 2: Adsense Hinglish ko support nahi karta ?

Kuch logo ko ye doubt bhi hai ki Adsense Hinglish ko support nahi karta.. or adsense ki official language me hinglish ka naam nahi hai.. to me kehna chahuga.. Haa, Hinglish Adsense ki support language ki list me nahi hai.. Par me aapko bata du Hinglish koi language hi nahi hai jo uski list me ho..

Hinglish word hamne hi banaya hai Jiska matlab hota hai Hindi+English ko mix karke likhna..

To ab baat aati hai Adsense Hinglish ko support karta hai ke nahi, to iska jawab hai karta hai.. Or Wo Hinglish ko Hinglish ki trha nahi Hindi ki trha dekheta hai.. or aap ye to jante hi hoge Adsense ki list me Hindi hai..

Mene Adsense ki team se bhi contact kiya tha, Q ki me iss point par muje bhi thoda doubt tha ki yaar itne log hai jo Hinglish blog par adsense use kar rahe hai to akhir lafda kya hai.. agar sirf mera blog hota to me maan sakta tha ki sayad me adsense team ki najar me nahi aaya hu abhi tak… jis din adsense ko pata chala ki mera blog Hinglish me hai adsense account block ho jayega.. par aisa kuch nahi hua..

Mere Pass iss type ke question bhi aane lage ki adsense pata nahi kis din Hinglish ko block karde ya usko support naa kare to fir kya hoga.

To mene udhar idhar search naa karte hue, Direct Adsense ki team se hi baat ki, or unhone kya kaha wo me aapko bata deta hu..:

Hinglish Blog par Adsense use karne me koi problem nahi hai q ki Hinglish 2 language ka mixture hai or adsense un dono language ko support karta hai.. Agar aap English me hi type kare par koi aesi language likhe jo adsense ki list me nahi hai to sayad aapko adsense approve naa kare.. Par Hinglish Blog me Hindi+English use ki gai hai jo ki adsense support karta hai.

Adsense se jude sawal or unke jawab bhi aap jarur read kare

Myth 3: Google Kisko jada support karta hai ?

Ye sawal bhi bhut logo ke mind me hai, or doubt bhi hai ki google ab Hindi ko support kar raha hai, Hindi ko badawa de raha hai.. Ye baat 100% sach hai.. Google India me Hindi ko aage lane ke liye bhut kuch kar raha hai.. par agar aap Hindi ko kisi or official language se compare kare to baat maan sakte hai..

Hindi or Hinglish ka koi mukabla nahi hai.. Q ki Hinglish ko Google Hindi hi manta hai or samajta hai..

Myth 4: SEO kisme jada badiya tarike se hota hai ?

Bhut se bogger ko ye doubt hai ki yaar SEO Hinglish blog me achi se hota hai, Hindi me muskil padta hai par naa mumkin nahi hai.. to Friends iss point par me wass itna kehna chahta hu.. aap aisa kuch bhi kehne se pehle ye samjhe SEO kya hai ? wo samjo.

SEO ka matlab hai, aap kisi keyword ke liye apni post ko optimize kare jispar aap google me apni post ko rank dilana chate hai.. To agar aap Hindi me Likh rahe hai apni Post to sidhi si baat hai jo aapka keyword hoga wo bhi to Hindi me hi hoga.. Agar aap Hindi me post likh rahe hai or jo main keyword hai wo agar aap Hinglish me dalege to aese me to jo hinglish pasand karte hai wo aapke blog par aayege.. jo usko Hindi me read karna chahte hai wo to aa hi nahi payege..

Ye sirf ek point hai.. aesa nahi hai.. aap Hindi me Lokho ya Hinglish me dono ko google Hindi hi samjhega.. or agar koi Hindi me bhi search karega or aapki post Hinglish me hai to jab bhi wo search me aayegi.. ya Fir agar koi Hinglish me search karega to aapki Hindi ki post bhi search me aayegi..

Aap apne dimag se ye doubt nikal de ki SEO me Hinglish acha hai..

Yaha kuch log kha sakte hai, par Hindi ke kuch shabd samaj me hi nahi aate, unka matlab hi kisi ko pata nahi hota.. Jese Computer ka Hindi matlab jadatar ko nahi pata hoga.. to aesi jagha jada tension lene ki jarurat nahi hai jis word ka matlab aapke reader achi se jante ho aap wo use kare.. agar wo koi english word hai to usko use karne me bhi koi problem nahi hai.

Myth 5: Jada Earning Hinglish Blog me hoti hai ?

Jada earning Hindi me ya Hinglish me ye bhi bhut logo ka doubt hai.. to iska sidha sidha jawab hai ye koi 2 language nahi hai.. ye Hindi hi hai.. wass hinglish ke case me ye ho raha hai jo English ke words hai wo thode jada use hote hai..

Ek example deta hu.. Hindi or Hinglish ka.. dono ko Hinglish me hi likhunga.. fir bhi aapko samajh aa jayega.. konsa sudh hindi hai or konsa Hindi+English

1. Hindi: Me aapko ek udharan deta hu, aap jada bhramit naa ho.
2. Hindi+English: Me aapko ek Example deta hu, aap jada confuse naa ho.

To ab aap example se samaj gaye hoge.. konse sudh hindi hai or konsi Hindi+English..

To ab baat karte hai ki jada earning Hindi me hai ya Hinglish me.. to iska wese accurate jawab to me nahi de paunga, par mujhe lagta hai English me abhi ke time me thodi jada hai Q ki adsense ke pass abhi jada Hindi Advertiser nahi hai.

To ab aap ye mat soch lena ki yaar to kya Hinglish me blogging karu, jada paise kamane ke liye.. agar aap Hindi me likhte hai or agar aap is tarah se likhenge to bhi aapko wo hi result milega.

1. हिंदी+इंग्लिश: में आपको एक एक्साम्प्ले देता हु , आप जादा कंफ्यूज ना हो .
2. हिंदी+English: में आपको एक Example देता हु , आप जादा Confuse ना हो .

Agar aap is tarah se bhi hindi me likhenge.. or English keyword ko apne article me use karege to aapko English ka bhi fayda milega.

To yaha me sirf itna kehna chahunga, ki aap Hindi ko jada pasand karte hai to bilkul usme likhe.. par wass iss baat ka dhyan rakhe.. aap Hindi ke kuch sabd hote hai jiska matlab hi nahi pata hoga kuch logo ko, wo use karne ki bajaye aap English keyword hi use kare.

Jese ek example, mere jese bhut se log hoge jinko sa‌nganak (स‌ंगणक) ka matlab nahi pata hoga.. Iska Matlab hota hai Computer.. Iss tarah ke words use naa kare.

Myth 6: Hinglish ka koi Future nahi hai ?

Iska jawab hai Haa, Hinglish ka koi future nahi hai,.. Par mere dost Hinglish koi language nahi hai to usko future kaise hoga.. wo to ham modern logo ne bana di hai WhatsApp, SMS, Facebook par chat karne ke chakkar me.. to iska matlab ye thodi ki ye koi language hi ho gai.. Ye Hindi hi hai.. aap isko Hindi se alag na kare..

Aap jese english ko speed me likhne ke liye cursive me likhte ho.. tikh ussi trha bol sakte ho ki Hindi me bhi speed me likhne ke liye or aap Hinglish me likhte ho..

Ab rahi baat Hinglish ko kon read kar sakta hai, to ye hi sawal aap cursive ke case me pucho.. q ki sabko to cursive tikh se samaj nahi aati.. par aise bahut se log aapko mil jayenge jo cursive ko samajhte hai.. tikh ussi trha Hinglish ko samajne wale bhi aapko bahut mil jayenge.

Myth 7: Jada Traffic Hinglish me hai ?

Ek baat or Clear kardu, aesa bilkul nahi ho sakta.. ki aap Hindi me likhe to aapke jada reader rahege, ya aap Hinglish me likhenge to aapko jyada reader mileage.

Jese maan lo, aapne koi motivation story share ki, ya koi aesi post dali jo hamase age me bade hai jinko English bilkul bhi nahi aati wo aapki Hinglish wali post read nahi kar payege, tikh ussi trha agar aap Hindi me likhte hai to jinko Hindi likhna nahi aati sirf bolna aati hai wo aapki post read nahi kar payenge.. or ye to aap jante hi hoge aese bhut se log hai jo hindi bol lete hai par likh nahi pate.

To ab aapko ye to clear ho gaya hoga, ki Hindi me likhna hai ya Hinglish me.. aap ye dekhe aap ki post ko read kon karega.. or wo kis type se read karna pasand karenge.. ya konsa jada sahi rahega unke liye.

Must Read: वेबसाइट की ट्रैफिक बढ़ाये 50+ तरीको से

Hindi or Hinglish par Google ka Kya View hai

Hindi or Hinglish me konsa jada bhetar hai to google ki taraf se kya reply aaya wo aap video me dekh sakte hai, uske baad aapka doubt clear ho jayega, ki aapke liye konsa sahi rahega.

Content Kis Bhasa me likhe Blog par?

Hindi or Hinglish ko Google Saman manta hai kya?

Conclusion

Ab agar aap mujse puchte ho ki konsa Best hai Hindi ya Hinglish to uska jawab to wese aapko mil gaya hoga.. fir bhi bata deta hu.. dono wara war hai.

Aapke liye konsi language best rahegi, wo jaanne ke liye mene jitne bhi point rakhe hai, aap unko apne najariye se dekhe to aapko samaj aa jayega aapko kis language me blogging karna hai.

Agar aapka mene jo point rakhe, inke alawa koi or doubt hai, ya koi sawal hai to aap comment karke puch sakte hai.. or mene jo sawal iss post me puche agar aap unka jawab bhi comment karke dege to ho sakta hai usse or logo ki bhi help ho jaye.

Wese aapko yaad hoga, abhi kuch din pehle mene ek post publish ki thi HMH.pe Hindi me, wo mene ye check karne ke liye ki thi ki agar Hindi me blogging kare to logo ka kya response rahega.. or me aapko bata du.. HMH ki jo Top Popular Post hai wo hindi wali post unme se ek hai..

jo me keh raha hu, Hindi or Hinglish barawar hai wo mene bhut si chijo ko Analysis karne ke baad keh raha hu..

Aap Hindi, Hinglish ya kisi bhi language me blogging karo.. agar aapke content me dam rahegi, or jisse logo ko help milegi, to aapko usme jarur success milegi..

Hope Aapke bhut se sawalo ke jawab aapko iss post me mil gaye hoge, ab apne views share karna naa bhule comment karke. :)

Happy Blogging..!