New Blog Banane ke baad Jarur Add kare ye 10 Chije

Jab bhi koi New Blog banate hai to mene dekha hai, wo aesi bhut si chije hai jinko Ignore kar dete hai ya utni ahmiyat nahi dete ki wo bhi unke Blog ke liye kitni jaruri hai.

Abhi me Aapse 10 Chije Share kar raha hu, Jo aapko sabse pehle add karni hai Apne Blog me agar aapne abhi New Blog banaya hai. or agar aapka Old Blog hai to aap bhi Post ko read karke Jane kahi aapne bhi to ye galti nahi ki.

New Blog me Post Dalne se Pehle Add kare ye 10 Chije

Jitne bhi Point me bata raha hu, aap ek ek karke sabko abhi Complete kare.. agar aapne pehle se nahi kiye hue hai.. ye nahi ki abhi aap sirf Post read kare or soche baad me kar lege.

1: Website ka Name or Slogan

Jo bhi hamari website hai uska ek sabse hatke naam hona chahiye, or uski ek Tagline bhi honi chahiye.. jisse user usko read karke hamari site ke ware me samaj sake.

Jese Example: HindiMeHelp – Internet ki Jankari Hindi Me!

Aapki Blog ka jo bhi Naam, Tagline or Description hai wo aap setting me add jarur kare.. taki Google me wo sahi tarah se dikhai de.

2: Website Logo Add kare

Website ki Branding or ek alag pehchan banane ke liye sabse jada jaruri hai Website ka Logo.

Website ka Logo sabse alag hona chaiye, or aesa ki jisko agar koi bhi dekhe to unko wo yaad rahe.. kisi bhi dusre logo ki copy naa kare or naa Simple text me logo rakhe.

Aap jese Hindi Me Help ka Logo dekh sakte hai..

Agar aapko Logo banana nahi aata hai to aap Fiverr par $5 me ek badiya logo banwa sakte hai.. ya fir aap Free Logo Website se bhi try kar sakte hai.

3: Favicon

Favicon jo ki website ka icon hota hai, or Browser ki Tab me dikhai deta hai.. ye hai to bhut choti si chij par bhut kaam ki hai or bhut log ispar dhiyan hi nahi dete apne blog me.

Favicon kya hai or kaise website me add kare uski jankari yaha hai.

4: Navigation Menu

Blog or website par kahi bhi jana ho ya kuch bhi open karna ho to usme sabse jada helpful rehti hai Menu, jo website ke Top me rehti hai, jiski madad se koi bhi user website ko ache se access kar sakta hai.

To ye bhut jaruri hai ki website ki jitni bhi important links hai wo Menu me add ki jaye taki user aasani se website ko access kar paye.

5: Important Pages

Website banane ke baad uspar kuch Important page hai jo hona hi chahiye.. Jese About Us, Contact Us, Privacy Policy, Comment Policy etc.. Inn sabhi pages ko banane ke baad Menu me add jarur kare.

6: Social Media Page

Website ki Branding or apne user se connect rehne ke liye Social Media Page hona bhut jaruri hai, isliye aap jitne bhi popular Social Network Website hai waha par website ke page jarur banaye.

• Facebook Page
• Twitter
• Instagram
• Youtube
• Linkedin
• Pinterest

Social Media Page banane ke baad, uski links website me jarur add kare.

7: Mobile Friendly Website Design

Agar aap chahte hai apni website ko user kahi bhi or kaise bhi access kar paye to uska Mobile Friendly hona bahut jaruri hai.. Kyu ki abhi Internet par log Mobile se hi jada search karte hai..

Google ke according jo website Mobile me tujhse open nahi hoti wo uski search me top par bhi nahi dikhate..

To Mobile me site badiya se open ho uske liye Mobile Friendly Template ka hi use kare.

8: Email Subscribe Widget

Agar users se connected rehna hai or apne Post or New offers ki jankari unko dena hai to uske liye sabse jada jaruri hai unka EMail collect karna.. or EMail Collect karne ke liye EMail Subscribe Box website me hona chaiye.. taki user waha apna email submit kar sake.

Email Subscribe Box website me kaise add kare uski jankari yaha hai.

9: Website Search Box

Aap Internet par kisi bhi website ko open karege to waha aapko Search box jarur dikhega, taki site par kuch bhi open karna ho to usko search karke open kar paye.

Par mene bhut se New Bloggers ko dekha jo iss baat ka dhyan nahi dete or Search Box apni site me nahi lagate.. jiske karan unke user ko naa chate hue bhi site ko band karke jana padta hai.. to agar aap bhi ye galti kar rahe hai to abhi usko sudhare.

10: Related Post Widget

Kisi bhi post se related post dikhane ke liye iss widget ka istmal hota hai, jo post ke last me dikhai deta hai. Jisse user ko agar uss post se related dusre post read karna ho to wo waha click karke kar sakte hai.

Jese aapne ye to dekha hi hoga, ham site par bhut sare alag alag topic par post karte hai, to aese me agar user ko kisi ek topic me interest hai to wo waha se dusri post par ja sakta hai.. Jisse Website ka Bounce rate ham hone me bhut madad milti hai.

At Last:

To ab aap jaan chuke hai New Blog banane ke baad, sabse pehle inn sab chijo ko check karna hai or add karna hai.. uske baad hi Blog par Post dalna start karna hai..

Ummid hai aapko ye jankari kaam ki rahegi or agar aapka koi Blogging se related Question ho to aap comment karke puch sakte hai, me uska jawab bhi jarur duga.