Online Shopping Websites Fraud se Kaise Bache [10 Imp Tips]

Hey, Aaj hum online shopping par baat karenge jo ki aajkal har koi karta toh hai lekin bina kisi savdhani, jinko jada jankari hi nahi hoti jiske wajah se bhut logo ko baad mein pachtana bhi padta hai.

Aajkal har chij online hone lagi hai, jisme shopping ki baat kare toh sabse jyada magar aap sabhi ko pata nahi hoga ki online shopping karte time aapse fraud bhi kiya ja sakta hai isliye humesha kuch jaruri baaton ka dhyan rakhna chahiye jisse ki baad mein pachtana na pade.

Main iss post mein aap sabhi ko bahut important baatein batane wala hu Online Shopping se judi hui so iss post ko please dhyan se padhe.

Online shopping india mein sabse pehle Flipkart company ne start kiya tha lekin aajkal bahut se online shopping sites open ho chuke hai par sabhi site genuine nahi hote unme se kuch site fake bhi hote hai jo sirf logo ka nuksan karte hai. Aaj hum iss post mein kuch aesi tips janenge jisse hume online shopping karte time help milegi. Agar aap mere bataye huye tips ko follow karte ho toh aap online fraud se bach sakte ho.

Dosto online aajkal sabkuch mil jata hai woh bhi bahut saste daamo mein lekin kuch sites aise bhi hote hai jo price ko badha chadha ke batate hai taki woh jyada se jyada paise kama sake. itna hi nahi kuch website aapke card ko hack bhi kar sakte hai, so aise sites se bachne ke liye aapko kya karna hai wo sab me batane wala hu, ummid hai aapko pasand aayega.

Safe Online Shopping Kaise Kare

#1: Check Product Detail

Aap jis bhi product ko kharid rahe ho pehle toh uski puri information or detail ko achi se dekhe aur yeh dekho ki product ke jo features hai kya woh aapke liye sahi hai ya fir usme koi kami hai.

Yeh baat main iss liye bata raha hu kyuki kai baar log bas product ke photos aur naam dekhkar hi uss product ko kharid lete hai magar jab wo product unke haath mein aata hai tab unko apni galti ka ahsas hota hai.

By the way agar aapne koi product galti se kharid liya hai toh koi baat nahi aap usey replace bhi karwa sakte ho. Agar aapko nahi pata ki product replace kaise hota hai so don’t worry iske steps aapko company ke official site par mil jayegi ya fir aap iss bare mein google par bhi search kar sakte ho

#2: Compare Price kare Online

Aajkal E-commerce sites bahut jyada hai lekin jaruri nahi hai ki sabke price same ho. Bahut baar aisa hota ki jo hum product kharid rahe hote hai uska price kisi site par jyada hota hai aur kisi or site par kam isliye agar aap chahte ho ki aapke paise bache toh price compression jarur kare.

aap chahe toh kuch popular online compression sites jaise ki MySmartPrice, Junglee, PriceDekho etc. ki madad le sakte ho. Main bhi koi product kharidne se pehle uska price compare jarur karta hu, aur yakeen maniye price compare karne se aapke paise jarur bachenge. So price compare karna bhi bahut jaruri hai.

#3: Check Site URL

Aapko pata hi hoga aajkal online fraud bahut hote hai isiliye jis bhi site se aap kuch kharid rahe ho uska url jarur verify kare kahi woh fraud toh nahi hai. Bahut baar aisa hota hai ki kuch fraud companies official website ke naam se hi dusri website bana lete hai jo ki dikhne mein bilkul same hota hai aur log dhokha kha jate hai.

Ek baat ka humesha dhyan rakhe ki 1 domain name se 2 sites nahi banaya ja sakti, jaise ki koi amazon.com se hi dusri site nahi bana sakta kyunki yeh already ban chuki hai lekin koi amazon.com ki jagah amajon.com kare tab yeh site banana possible hai. lekin aap url par agar dhyan rakhe toh aise frauds se bach sakte ho. So kisi shopping site ke open hone ke baad aapko sabse pehle uss site ka url check karna hai.

#4: HTTP or HTTPS

Aap jab kisi site par visit karte ho tab aapne url box mein http ya https jarur dekha hoga so iska kya matlab hota hai aur yeh humein online fraud se kaise bachata hai.

Dosto https mostly online money transaction wale sites use karte hai aur https puri tarah secure hota hai isse hone wale transaction ki detail koi hacker aasani se nahi chura sakta lekin http use karne wale site secure connection nahi hote aur aapka data koi hacker aasani se chura sakta hai.

HTTPS ka matlab secure Connection, or agar hamare computer or website ke bich me secure connection nahi hoga to koi bhi hacker bich me hi hamari detail chura sakta hai.. to iss baat ka bhi dhiyan jarur rakhe.

So friends mere kehne ka seedha matlab yeh hai ki jis site par aap shopping kar rahe ho woh https hona jaruri hai agar woh https nahi hai toh uss site par online payment naa kare to aapke liye accha hoga.

Jitni bhi Online Shopping sites hai, ya koi bhi site jispar online payment hoti hai wo HTTPS to hoti hi hai, to online payment karne ke liye apni card ki detail dalne se phele Browser me HTTPS jarur check kare.

#5: Don’t Save Your Details

Jab bhi hum koi product online buy karte hai tab humein sabse pehle shipping address fill karna hota hai uske baad billing details lekin kya aap sure hai ki koi aapke pc se yeh details nahi chura sakta ?

Ji aisa possible hai koi chahe toh aapke browser se woh details aasani se chura sakta sakta hai isliye kabhi bhi apna card detail kisi browser mein save na kare aur jab aapki shopping complete ho jaye uske baad apna account log out jarur kare..

Agar aapka Personal Computer hi hai or jisko aapke aalawa koi use nahi karta to alag baat hai.. Main hai agar aap save karke rakhte hai to iss baat ka dhyan rakhe ki koi or aapke browser ko use na kare.

#6: Check Coupons & Discounts

Har koi chahta hai ki jab woh kuch kharide uske paise bache, lekin online shopping mein koi bargaining ka chakkar nahi hai isliye hum dusra tarika use karte hai, jise coupon kehte hai.

Coupon aajkal har site apne customers ko deti hai aur uss coupon ki madad se aapko discount mil jata hai. Coupon mostly kisi festival par jyada launch kiya jata hai jaise ki diwali, holi, rakshabandhan etc. So coupon ka use karke aap online shopping karte time apne paise bacha sakte ho.

Aap Coupons ko search karne ke liye direct Google ka sahara le sakte hai, or Internet par aaj kal Coupons provide karne wali sites ki bhi sankhiya badd gai hai. To jab bhi online shopping kare, ek war coupon jarur search kare, ho sakta hai aapka Free me fayda ho jaye :)

#7: Price History Check kare

Online Shopping karne se hame ye fayda to hota hai, ki Offline dukan se saste me saman mil jata hai. Par kabhi kabhi Online Sites bhi hame Offer ke naam par pagal bana deti hai.

Jese Kabhi koi Sale hoti hai to Product ka Price bada kar Discount Show karti hai, jisse log unke jhase me fas jate hai..

To kabhi bhi kisi Offer me Product ko lene se pehle Uski Price History Jarur check kare.. kahi aisa to nahi abhi uska Price bada kar discount de rahe ho..

Kisi bhi Product ki Price History aap BuyHatKe Browser extension se dekh sakte hai. Jada jankari ke liye yaha dekhe.

#8: Set Secure Password

Hum jab kisi site se kuch purchase karte hai tab humein sabse pehle uss site par sign up karna hota hai aur apne details bhi verify karne hote hai. ab question yeh hai ki kya aap puri tarah sure hai ki aapka account hack nahi kiya ja sakta ? Shayad nahi..

hackers ka mind kafi tez hota hai isliye account banate time aap password aisa set kare jo kisi ke liye guess kar pana mushkil ho. Secure password set karne ke liye aap uppercase letter, lowercase letters aur symbols ka use kar sakte ho jitna strong password hoga utna account hack kar pana mushkil hoga.

#9: Check Reviews & Ratings

Jis bhi product ko aap kharidne wale ho uski rating aur reviews jarur check kare, kyuki jin logo ne uss product ko use kiya hai, usse acha uss Product ke ware me koi nahi bata sakta.

Aap Product ke Reviews me dekh sakte hai logo ka kya reaction hai is product ke upar or log usko kitna pasand ya naa-pasand kar rahe hai.. isme aapko ye decide karne me bhi aasani hogi ki aapko wo li=ena chaiye ya nahi.

Agar aap bhi koi product online purchase karte ho uss product ko rating aur review jarur de isse baki logo ko bhi uss product ke bare mein pata chalega aur sahi decision le payenge. So yeh bhi bahut important step hai.

#10: Read Privacy Policy

Aap jis bhi site se shopping kar rahe ho uska privacy policy page jarur check kare. Privacy policy page check karne se aapko yeh pata chal jayega ki woh site aapke details ka use kaha par aur kaise karegi sath mein aapko uss site ke bare mein aur bhi jankari mil jayegi. isliye humesha privacy policy page jarur check kare.

So friends iss post mein aapne jana ki safe online shopping kaise kare. Dosto agar aap iss post ko acche se follow karte ho toh aap online shopping websites fraud ke chakkar me kabhi nahi fasege.

Dosto bahut se logo ko inn tips ke bare mein bilkul bhi pata nahi hota so please iss post ko share jarur kare aur apne dosto or family members ko bhi inn tips ke bare mein jarur bataye.

Ye ek Guest Post hai HMH, Agar aap bhi Guest Post karna chahte hai to yaha click kare.

Dusri Guest Post Read karne ke liye yaha jaye.