Rohit Mewada ki Life ke Secrets jo Kisi ko Nahi Pata

Hello Friends, Aaj Date hai 27/05/2018 yani ki mera B’day.. isliye ye din mere liye Special to hai ki, par jo log mujhe chahte hai , Mujhe pasand karte hai, jo muje support karte hai unki baja se ye din mere liye or bhi jada Special Ban gaya hai.

Mere Bhut se Friends hai jo mere ware me jaana chahte hai or unke bhut se sabal bhi hai jinka jabab abhi tak kisi ko nahi pata hai, par aaj me mere wo sare raaj open karne wala hu.. Kuch bate to aesi hai jo abhi tak mere alawa kisi or ko nahi pata hai.

Sabse Pehle Baat karte hai me pehle kis type ka banda tha, kya karta tha, kya soch thi meri or kya karna chahta tha wo jaan lete hai uske baad jo Sawal hai unke jawab diya jayega.

Meri Life ke Top Secret

Me ek aise kism ka ladka tha, jo andar hi andar bahut kuch sochta tha, or andar kya chal raha hai wo kisi se share bhi nahi karta tha.. q ki mujhe kahi na kahi aisa lagta tha ki me agar kisi se share karuga to wo samjega nahi or sayad mera majak bhi udaye.

School Time me 8th class tak to kuch extra nahi kiya.. Normal School se ghar, TV, Khana-Pina, Sona wass ye hi sab normal chalta raha.

8th Class me pehli war mene Computer ko use kiya School me, uss time to usko chalu kaise karna hai ya band kaise karna hai iss baat ne hi pasine chuda diye the.. par dhire dhire thoda knowledge bada..

Ab Internet bhi kuch cheez hoti hai, jiska use karke ham kuch bhi dekh sakte hai, kuch bhi search kar sakte hai aesa pata chala.. to wass ab isme thoda interest jag gaya.

Ek war mere ek Friend ne online Map par uske ghar ka naksha dikhaya, par ye usne kaise kiya ye usne nahi bataya.. Wass Fir kya tha Net Cafe ke chakkar lagna chalu huee, or Internet par pata nahi kya kya search karte, Game khelte.. Fir aise hi dhire dhire bahut si chijo ke ware me pata chala.. or WikiMapia ek site hai jis par ham apna Map set kar sakte hai ye bhi pata chala..

Fir Kya tha Map set karke, mere uss friend ko bataya jo nahi bata raha tha ki usne kaise kiya.. wass ye sab chal raha tha..

Yaha par jo sabse Interesting baat thi wo ye, ki Jab bhi Net Cafe jate the to wo hamara Naam or Mobile Number puchte the.. aise hi security propose ke liye.. Mere Mind me ye pata nahi kaha se aa gaya, ki yaar aisa naa ho me kuch ulta kardu or muje police utha le jaye, isse bachne ke liye me apne Friend ka Naam, Uska Address, or uske ghar ka Number use karta tha Cafe par ;)

Me Net Cafe itna jata tha ki jo Uncal the unko mera naam hi yaad ho gaya tha (jo mera nahi mere friend ka naam tha 😜..), Hit to ek war jab hui, me jis Friend ka naam use karta tha me ussi ke sath cafe par net chalane gaya, to uncal ne mera naam direct likh liya bina kuch kahe ya puche, or last me jab ham nikle to mere friend ne wo naam dekha.. to waha se jane ke baad usne mujse kaha, dekha beta kitna Famous hu, Uncal ko bina bataye unhone mera Naam likh liya 😂😂😂.., mene kaha haa bhai tu to bhut bada wala nikla yaar, or andar hi andar thoda hass bhi liya 😝..

Meri jo Pocket money huaa karti thi wo aese hi Net chalane me khatam ho jati thi, baki mera or koi sok bhi nahi tha.. ye sab 12th tak chalta raha, uske baad Bhopal aa gaye Engg karne.

2010 me jab me Bhopal aaya tha, Engg karne uss time mere pass Samsung Champ Mobile tha, jisme 2g net chal jaya karta tha bhut hi slow speed me, to wass aese hi thoda bhut net par kuch bhi search karte rhete tha, kahi Songs Download kar liya ya Fb open karli..

Ek Din aese hi collage me baat chal rahi thi, GF-BF ke topic par, usme aese hi kahi se Love Guru ki baat nikli ki jo Pyaar karte hai wo unko tips dete hai unki Help karte hai. 😇 Fir Kya tha iss sararti dimag ne fir kuch ulta karne ka socha.. to net par apne uss chote se mobile par search kiya, par jada kuch mila nahi.

Mene search ki Love Guru website, par kuch nahi mila.. par aese hi search karte karte me ek website par phucha jiska naam hai Peperonity, jispar ham Mobile se Blog ya Page bana sakte hai..

Mere pass computer to tha bhi nahi ki me uske ware me jada kuch search karu.. wass aese hi use karte karte pata nahi kaha se, kaise mene usme account bana liya or LoVoGuRu naam se ek blog bhi bana liya 😜 jiska maksad tha ki jo bhi ladke ladkiyo ke message mere pass aayege unke maje liye jayege. wese bhi Pyaar Vyaar me koi interest tha nahi, wass dimag ulti sidhi chijo me bhagta rheta tha, jo me kisi se share bhi nahi karta tha.

To ab uspar apna blog bana liya apne chote se mobile se, uspar logo ke message bhi aane lage, phele to kuch bhi ulta sikha reply kiya.. par kuch aese question aaye ki me thoda series ho gaya, or jo muje sahi lagta sirf wo hi batata or help karne ki kosis karta.

Ab Jab Engg ke 2nd Year me aaya to Papa ji ne thodi Jid or Request ki to unhone Laptop dila diya.. Mechanical Engg me AutoCad ke aalawa to koi jada kaam bhi nahi tha Laptop ka, or usko ek mahine ki coaching karke usko pura sikh liye.. ab kuch time baad ye samaj hi nahi aa raha tha ki ab iska sahi tarike se kya use karu.. thoda bhut FB, Songs Download, Game ke aalawa koi or use hi nahi tha laptop ka..

Fir ek din aese hi jo mere Room Partner the, jinki CS Branch hi thi wo aese hi kuch baat chal rahi thi to unhone kaha me to Project me Website banaoga. Ye Baat sunne me itni badi lagi uss time ki khud ki website 😍. Website kaise banti hai kese kya hota hai kuch pata nahi tha To unse jaanna caha, par sahi baat to ye thi unko bhi website kese banti hai uske ware me jada jankari nahi thi.

Ab Net par mene apne Laptop me search kiya How to create a Website, wass yaha se jo meri Blogging ka safar hai wo ho gaya start.. mera din wa din usme interest badta gaya, me collage se aane ke baad laptop me ghus jata, or pata nahi kya kya naya sikhta jada or apni site par implement karta jata. Mene apna website Blogger par hi banai thi or blogspot domain hi tha, muje ye tak bhi pata nahi tha ki isko Blog khete hai.

Roj ka time table ban gaya tha, kuch naya sikhna hai or apni site par implement karna hai, aesa karne me bhut war to raat ka pata hi nahi chalta tha. subha hogai uska pata bahar se roshni aane lagti jab pata chalta tha.

Agar aapko Meri Blogging ke ka safar kese start huaa or mene kya kya kiya wo sab janna hai to aap meri One Year Success Story Padh sakte hai.

Issi Bich mera Interest Hacking me bhi bada, or Kuch Facebook Account or website bhi hack ki, Hacking ki kuch interesting baat batata hu:

Hacking Case 1: ek din mera bhai FB chala raha tha, koi Girl ki ID open thi or jo Room Partner the wo wahi bethe the, to ek ne mere bhai ki ID se uss ladki ko message send kiya “HII”, par jese ki ham sab jante hai ladkiyo ke pass itna time nahi hota ki wo reply kar paye kisi anjan ladke ke Hii ka to jo Room Partner the unhone ek or Message send kar diya.. “Reply kar nahi to teri ID hack kar luga” to ab ladki ne reply kiya “tere baap me dam ho to hack karke dikha, mera BF Hacker hai“..

Ye baat muje thodi achi nahi lagi jab mene uska aesa message dekha.. usne mere bhai ko to uske baad block bhi kar diya.. to ab mera kaam start huaa q ki muje usko sabak sikhana tha, ki tikh hai aapko baat nahi karni thi aapka BF hai , par jo Baap ki baat kahi wo nahi karni thi, ab moka tha muje apna talent dikhane ka..

Mene apni ID se usko friend request send ki or 2 fake account turant banaye or unse request send ki uss ladki ko, or 3 trusted friend Technic se uski ID agle din hack karli.. par muje kuch galat nahi karna tha wass usko sabak sikhana tha.. to mene uski id par ek Status share kiya –

“Mera jo Boyfriend hai wo bhut bada Hacker hai, Ab wo meri ID recover karke dikhayega, jo RNHCKR ne hack kari hai”

Hacking Case 2: Mene ek Virus software banaya tha, jisse hota ye tha, jis computer me wo run ho jaye usme Facebook site open karne par meri site par redirect ho jata tha, or agar koi Porn site open karte to bhi redirect hoke meri site open ho jati.

Ye Virus mene apni site par bhi dala tha jo automatic download ho jata tha jo bhi website ko open karta tha, or mene usko Collage ke jo computer the usme bhi run kar diya tha.. to ab meri site par acha traffic aane laga

Par uska Faida kya tha, muje iss time tak ye pata hi nahi tha ki website se paise bhi kama sakte hai. 😒 , kher mera aesa kuch irada bhi nahi tha.. wass me sabko sudhar raha tha ki galat site ka use karna band kare 😆😆

Iske baad.. Jab engineering Complete hui to mere pass 2 option the.. Job karu ya aapna passion ka kaam karu..

Or mene blogging ko select kiya.. Jiski starting me bhut dikato ka samna bhi karna pada.., starting me hosting ke paise bachane ke liye 1 mahine dono time khana tak nahi khaya..

To ye rahi meri Life ki kuch interesting bate jo aaj se phele kisi ko nahi pata thi, par ab mere sabhi dosto ko pata chal jayegi, or isse aapko thoda or ye samajne me aasani hogi ki me kesa banda hu 🙂

Chaliye ab jo kuch Question hai unke jabab jaan lete hai

Rohit ki Life se Jude Secret Sabalo ke Jabab

Rohit Mewada ki GirlFriend Hai ya Nahi ?

Agar aapne meri upar ki bate read ki hai to iss question ka jabab aapko mere dene ke phele hi mil gaya hoga.. Mera isme koi Interest nahi tha or ek Baat jo mere Papa ji ne muje kahi thi kahi na kahi wo mere dil or dimag me beth gai thi wo bhi ek karan hai.

Mere Papa ji ne kaha tha “ijjat banane me puri jindgi lag jati hai or bigadne me ek second nahi lagta, to beta kuch bhi aesa kaam nahi karna hai apneko jisse apni jo ijjat hai uspar thodi bhi aacha aaye” or me kisi ke ware me galat nahi soch sakta tha ye nature mera phele se tha.. to agar me GF banata to ussi se meri shaadi hoti, fir chahe uske liye me muje kuch bhi karna padta.. or me iske liye apni Family ke khilaf bhi nahi ja sakta tha, to yahi karan hai ki mene koi GF nahi banai.

Pata nahi Q par mera Dil me bhut phele se ye baat hai, Dil diya jayega to sirf ek ko, or jisko diya jayega wo hi life time sath rahegi.

Mere Pass Kuch Offer bhi aaye the, par muje kisi ke sath Time Pass nahi karna tha so mene koi response nahi kiya. Ek ladki to itni jada gusse me aa gai thi jab mene uska koi response nahi diya to usne muje dhamki di thi ki “Tu ab Chan se nahi ji payega”

or jo ye sabal tha ki meri shaadi hui ke nahi, to buddy’s me aapko abhi shaadi ke layak bhi lagta hu, abhi to bacha hu yaar.. kaha muje in jhanjato me fasa rahe ho.

Computer me konsa Course kiya hai ?

Mene koi course nahi kiya, jo bhi muje aata hai naa wo muje kisi ne nahi sikhaya .. Jitna kuch bhi muje aata hai wo me khud se sikha hu.. Haa Hacking me jab thoda interest tha, or thodi bhut hacking banjati thi to Hacking ka ek Event tha 2 Din ka wo jarur attend kiya tha..

Sabse Phela konsa Blog banaya ?

Agar sabse phela blog ki baat karu to wo mene apne Chote se Mobile se hi banaya tha LoVoGuRu jo peporinity.com site par tha. uske baad Laptop aane par jab thoda isme interest jaga to RNHCKR banaya tha..

Blogging me sabse pheli Post konsi likhi ?

Blog bana kar jo mene sabse pheli post likhi thi wo thi How to Protect Gmail Account From Hacker.

Family me or koi bhi Blogging karta hai ?

Sirf me Blogging karta hu, baki sabko Blogging ka B bhi nahi pata, or jab kisi ka interest nahi hai to wo blogging kar bhi nahi sakte.

Wese mera ek sapna hai ;) ki jo meri partner hogi.. usko thoda bhut blogging ke ware me jarur pata ho, taki wo samaj sake me asliyat me kesa insan hu.

Blogspot par Blog tha jab kitni Income thi ?

Me apni income share nahi karta hu, par ye jo sabal hai wo aesa hai jiska Blogspot ya WordPress par blog ho usse koi fark nahi padta.. Meri Blogspot par blog tha us time 35k per month ho jati thi, baki aesa nahi hai me isse jada blogspot par nahi kama sakta tha.. wass muje thode jada option chaiye the isliye WordPress par sift karna pada.

Jab Blogging start ki to kitne din me Stable ho gaya ?

Is sabal ka accurate jabab me nahi de paoga, q ki ye muje yaad nahi or stable se aapka kya matlab hai ye uspar bhi depend karta hai.. agar visitor ki baat karu to phele 1000 visitor per day lagbhag 1 month me aa gaye the..

Kitni Age se Blogging Start ki ?

isme me kahuga me thoda late ho gaya.. mene 22 ki age se start ki.. jitni kam age se muje iski jankari hoti aaj me utna hi aage hota..

HindiMeHelp Income kitni hai ?

Me janta hu ye sabal lagbhag mere sabhi dosto ke mind me hoga, or aap bhi unme se ek hoge jo ye janna chate hoge ki akhir meri income kitni hoti hai. Friends me aapko iss sabal ke liye fir se niras karuga, q ki mene agar apni income share ki to jo mera maksad hai wo me pura nahi kar paoga.

me chata hu logo ko apne pero par khada karna, or ek baat me clear kardu paise aap starting se hi nahi kama sakte blogging me.. isme paise kamane ke liye aapko bhut kuch sikhna padega.. to agar mene apni earning bata di to aap usko apni earning se compare karege or fir demotivate ho kar blogging chor dege.

HMH kitni Post hai or kitni Delete ki hai?

HMH par abhi 420 Post hai or jo post kaam ki nahi rheti me unko delete kar deta hu.. abhi puri post ko update karna hai to bhut si post delete hogi abhi to. jo Post kaam ki nahi uska HMH par koi kaam nahi. ;)

Mene Padhai me Kya kiya hai ?

Mene BE ki hai Mechanical Stream se jiska mere Blogging se koi lena dena hi nahi hai, par mera interest tha blogging me to me isme aaya.

Ye baat me har war kheta hu aapka jis me interest hai aap wo kaam karo to success aapko jarur milegi or aapko paise ke piche nahi bhagna padega, Paisa khud aapke piche bhagega.

To Friends, ummid karta hu is post ko read karne ke baad aapko mere ware me bhut si aesi bate pata chali hogi jo aaj tak koi nahi janta tha..

Aapko Meri Life ke secrets kese lage ya inke aalawa bhi agar aap kuch jaanna chate hai to comment karke puch sakte hai.