Apna Interest Kisme Hai kaise Pata Kare : Career Kaise Select Kare

Aapka Interest kisme hai or kis chij me apna career banaye jo aap usme success bhi ho sake or apni success ko injoy bhi kar sake.. Aapko sahi khusi jab hogi jab aap wo kare jisko karne me aapko maja aata hai or aap usme success ho jaye.

Apna Career kisme banaye, kya kare achi jindgi jine ke liye jisme sab kuch ho jo aap chate hai ye jaanna to sab chate hoge, or ye mod har ek ki life me ek war aata hai jab unko ye fesla lena padta hai ki ab aage unko kya karna hai or kaise apni life ko jina hai.

Me Aapko is article me ye hi batane wala hu ki aap kaise apne Interest, Passion or Talent ko phechane or usme aapko career banana hai ya nahi ye kaise decide kare.. uski kuch tips duga.. jiske baad aap apni life ko kese jina hai thoda or achi se samaj paoge.

Jab muje mera passion jaanna tha to mene apne aap se kuch sabal puche the or jab muje unka jabab mile to me samaj gaya muje apni life me kya karna hai.

Aapka apna passion kis chij me hai ye jaanne ke liye aapko bhi wo sabal apne aap se puchna hoge, jo mene apne aap se puche the..

Agar aapne abhi tak Meri Success Story nahi padhi to aapko jarur padhna chaiye. Aapko bhut kuch naya sikhne ko jarur milega.

Apna Passion Kis Chij me hai kaise Phechane

Aapka Passion kis chij me hai wo jaanne ke liye aap sabse phele to Copy or Pen uthaye or usme ek list banaye jo bhi aapko pasand hai ya jo aap karna chate hai ya banna chate hai..

jo jo bhi karna aapko pasand hai wo sab likhe.. har ek chij ko likhe jo aapko pasand hai.. kam se kam 20 topic likhe.. jo bhi aapke mind me aaye likhte jaye.

Aap jab sab topic ko likh lege or fir unko dekhege to aapko samaj aa jayega ki aapko kya hai jo sabse jada pasand hai ya aap kya banna chate hai or kya karna chate hai, or kya kar sakte hai.

Jab aapko ye pata chal jaye ki aapka Passion kya hai to uske baad apne aap se ye kuch sabal puche, jisse aapko clear ho jayega ki haa ye hi aapka passion hai.

• Aapko jo Pasand hai wo Q Pasand hai?
• Aap jo karna chate hai wo Q karna chate hai?
• Aap jo karna chate hai uski Prerna aapko kaha se mili?
• Aapko Life me kya karna hai?
• Aap jo karna chate hai kya aapko wo karne me khusi mhesus hoti hai?

Inn Sabalo se aapko or clear ho jayega ki aapka jo passion hai ya sirf kisi ko dekh kar lagab ho gaya hai.

Khene ka matlab jese maan lijiye aap agar Online Blogging karna chate hai to aap Q karna chate ye sabal apne aap se puche.. Yaha sabse main hai agar aapko iss sabal ke jabab me ye mile ki wo itne kama raha hai, wo itna success hai me bhi ho jaoga to aap galat track par hai. Blogging me Success aap sirf jab ho sakte hai, jab aapko khud ko usme maja aata ho.. naa ki dusre ko dekh kar aap karte ho.

Aap kisi or se inspire ho sakte hai par kisi or ko follow naa kare, kuch bhi karne se phele apna Talent phechane jisse aap apna feature acha kar sake or jisme aapko jo chaiye wo mile or aap khus rahe. Jese maan lo agar aap kisi ke blog se copy karte ho (bhale post ke idea hi churate ho.. jara socho agar samne wale ne blogging band kardi to aapka kya hoga..) aapko kisi or par depend nahi hona hai.

Blogging Start karne se phele kuch bate hai jo aapko pata hona chaiye, agar aap blogging me career banane ka soch rahe hai.

Apne aapko kisi or se compare naa kare, or jo aapka talent hai aap usko phechane jab hi aap success ho payege.

Iss Trha aap apna Passion or Talent ko phechan sakte hai, ab baat aati hai ki agar aapka jo talent or Passion hai wo agar aesa hai jiske liye aapko ek risk lena pade, or jisko karne se log aapko rok bhi rahe hai to aap kya kare..

Jab Mene Blogging start ki thi, to mere andar bhi ek dar tha or aage me kya karu or me kya kar sakta hu, kya karne me muje khusi hoti hai aese bhut se sabal the jo mene apnbe aap se puche the.. or jab muje unka jabab mil gaya to me lag gaya apne Passion or Apne Talent ko apni Success Story banane me. :)

Career ka Selection kaise kare

Dosto, me yaha sirf apna experience share kar raha hu, aapko apni life me kya karna hai wo aapke upar hai, wass yaha me aapko thodi madad kar sakta hu aapki life ke sabse bade fesle ko lene me, ki Aapko Career kisme banana hai.

Me aapko 50 Sabal ki list bata raha hu, jinke jabab aapko ek copy me likhna hai, or jo sach hai wo hi likhna hai.. ye jo jabab hai wo aapko hi check karna hai baad hai to yaha koi cheating naa kare.

To chaliye Start karte hai, aap kahi sant jagha me ja kar agar ye karege to jada acha rahega..

Ek Copy or Pen le lijiye or jitne bhi sabal me bata raha hu, unka jabab aap copy me number daal kar likhte jaye, jo bhi lagtah ai aap wo likhe.. ho sakta hai kisi sabal ke ek se jada jabab ho, jitne bhi jabab ho wo sab likhe.

Agar kisi sabal ka jabab aapko abhi naa mile to aap usko chor de, time aane par aapko uska jabab bhi mil jayega.

Ek baat or ye jitne bhi sabal hai, wo bol kar padhe, jese koi aapne samne betha hai jo aapse ye puch raha hai.. or unka jo bhi jabab hai wo aap likhe..

Apne Aap se Puche ye Sabal khud ko jaanne ke liye

Que 1: Aapki life or career me abhi kya sahi chal raha hai – jo aapke liye jaruri ho, jisme aapko khusi milti ho, jiska aapke liye koi matlab bhi ho? (jese exapmle aap doctor banna chate hai or aap abhi MBBS kar rahe hai to ye aapke liye acha hi huaa.. aesa jo bhi ho jo aapko lagta hai aapke liye acha hai wo sab likhe.)

Que 2: Aapki life me abhi aesa kya hai jisme aapko maja nahi aata, jisme aapka sabse jada time warbad hota hai ?

Que 3: Agar aapke pass itne paise ho ki aapko or paise kamane ki jarurat naa ho to aap kya karna pasand karege, kaha apna time bitana pasand karege or kaise wo sab likhe..

Que 4: Aapke bachpan ka koi sapna hai kya jo aap abhi tak pura nahi kar paye ya jisko aap pura karna cahte hai to usko bhi likhe.. (Jitne bhi sapne hai wo sab likhe..)

Que 5: konsi 3 chije hai jo aap chate hai ki aapke marne ke baad log aapke ware me yaad rakhe..

Que 6: Aapki life me kon hai jiske jese aap banna cahte hai ya jo wo karta hai wo hi aap karna chate hai or q..

Que 7: Aapme konsi khubi hai jisko karne me aapko maja aata hai or khusi milti hai, or jo aapko dusre se alag banati hai.. jo bhi hai likhe.

Que 8: Aapki konsi aadat hai jo aapko galat lagti hai par aap usko karne se rok nahi pate, jitni bhi hai wo sab likhe.

Que 9: Aapne abhi tak apni life me jo bhi kiya ho jisko karne me aapko khusi mili ho wo sab aap likhe.

Que 10: Aapne apni life me konsi aesi chije ki jo aapko bilkul pasand nahi aai or naa aap kabhi double se karna chate hai..

Que 11: Aap hafte me kitna time hai jisme aap wo karte ho jo aapko pasand nahi or aapko aesa lagta hai aap apna time warbad kar rahe hai..

Que 12: Aap apni 5 Khubiya kya hai wo likho.

Que 13: Aapki life abhi tak aapne jo kiya unka result aapko kesa mila.. Matlab aapki ummid se jada ya kaam.. jitne bhi incident huee ho wo sab likhe.

Que 14: konsi chije hai jinpar aap jada dhiyan nahi dete, ignore karte hai..

Que 15: Kya aapne abhi tak apni life me jo kiya emandari se kiya. (jese example aapka blog hai to aap dusre ki post ko copy karte hai ya khud se likhte hai hai, jo sach hai wo hi likhe.)

Que 16: Konsa jhut hai jo aap khud se bolte ho, jiske ware me kisi ko nahi pata.. (jese khud se khete ho ki IES ban jaoge, par aapko ye bhi pata hai ki aap padai me itne ache nahi ho ki 16 ghante padh sako..)

Que 17: Aapka sabse bada dar kya hai jab aap wo karne ka sochte ho jisme aapka passion hai. (Jese agar aap blogging karne ka soch rahe hai to aapko kya dar hai.)

Que 18: Konsi chije hai jo aapko apne passion ka kaam karne se rokti hai? (Jese agar aapko blogging hi pasand hai to kya hai jiski baja se aap nahi kar pate..)

Que 19: Aapki aesi konsi kamiya hai jo aapke passion ke or aapke bich me aa rahi hai or aap unko kaise khatam kar sakte hai.

Que 20: Aap agar kisi baat se darte hai to aapke pass koi thoss karan hai darne ka. (Jese example aapko dar hai ki aap exam me fail ho jayege to uska thoss karan ye ki aapne kuch padha hi nahi hai.)

Que 21: Aapko Jis Baat se dar hai aap usko kaise khatam kar sakte hai.. (Jese agar exam me fail hone ka dar hai to aap padhai karke fail hone ke dar ko khatam kar sakte hai.)

Que 22: Aap apne Passion ka kaam karne ke liye risk le sakta hai, agar haa to kitna?

Que 23: Aap jo karna chate hai unko naa karpane ka karan kya hai.

Que 24: Agar aap apne passion ka kaam karte hai to konsa dar hai jo aape dil me hamesa rahega.

Que 25: Agar kabhi kuch gadwad hoti hai to aap kya karege.

Also Read: Blogging me Fail hone me 7 Karan

Que 26: Aapki life me kuch log hai kya jinki baja se aap apna passion ka kaam nahi kar pa rahe, ya jo aapko karne nahi de rahe.

Que 27: Jo aapko rok rahe hai aapko apna passion ka kaam karne se aap unko kaise mana sakte hai, aap jo karna chate hai wo karne ke liye?

Que 28: Kya aap jo karna chate hai usko karne ke liye agar aapko kuch logo ko chorna pade to kya aap chor sakte hai, agar haa to q..

Que 29: Aapne apni life me aesa kya kya kiya hai, jo aapka passion hai usse connect hota hai.

Que 30: Kya aap apna interest ka kaam karne ke liye apna extra time de sakte hai, jese agar aap usko apne main time me nahi kar pa rahe to baki ka jo aapka time hai usme kare.. kya aesa kar sakte ho.

Que 31: Agar aapka jo passion hai or jo aapka talent hai aapko usme or strong banna hai to aap kya kya karege jisse aap apne aapko or improve kar paye.

Que 32: Aap jo karna chate hai usme agar aapki soch ke hisab se income naa ho starting me to aap apna kaam chala lege..

Also Read: Blogging me Paise Q nahi kama pate log

Que 33: Agar aapki income kam hai to aap kaise paise bacha sakte hai taki apne passion ka kaam kar sake.

Que 34: kam se kam kitni income me aapka gujara ho sakta hai.

Que 35: Aapko kya kya chorna padega agar aap apne passion ka kaam karte hai to?

Que 36: Sabse bura kya ho sakta hai aapke liye agar aap apne passion ka kaam kare, or kya aap uske baad apne aapko sabhal payege.

Que 37: Agar aapke sath kuch bura ho sakta hai to uska karan kya hoga?

Que 38: Agar aap apne passion ka kaam karte hai to aapka Din kesa hoga.. aap Din bhar kya kya karege or kaise wo sab likhe.

Que 39: kya kya hai jo aap marne se phele achive karna chate hai.

Que 40: Aap kya kar sakte hai, jo aap chate hai unko pura karne ke liye.

Que 41: Agar aapko wo kaam karna pade jisme aapka bilkul interest nahi hai to kya aap baki ke time me apna passion ke kaam ko karna pasand karege, ya jesa chal raha hai chalne dege.

Que 42: Aap jo karege usse aapki or aapse jitne bhi log connected hai unki life par kesa aasar padega.

Que 43: Agar aapka jisme interest nahi hai agar aap wo karege to aapki life kesi rahegi or q uske karan likhe.

Que 44: Aesa kya hai jisko karne se aapko apne aap par garv mhesus hoga.

Que 45: Aap Jis trha se jite ho, dusro se baat karte ho, jese react karte ho kya real me aap wese hi ho?

Que 46: Agar aapko moka mile apni life ko fir se fresh start karne ka to aap kya karoge.

Que 47: Agar kuch aesa hai jo aap nahi karna chate the wo kya hai.

Que 48: Aap jo karna chate hai kya wo Sirf paise ke liye hai. jo bhi aap karna chate hai usko karne ke jitne bhi karan hai wo likhe..

Que 49: Aap jo karna chate hai agar waha aapko dusro ke mukable kam paise mile to aapko koi problem hogi ya nahi.

Que 50: Aap jo karna chate hai aap uske layak hai ?

Ye rahe 50 sabal jo aapko apne aap se puchna hai or inka jabab khud ko dena hai, jada jald waji naa kare or aaram aaram se har ek sabal ka jabab santi se de…

Jab aap in sabalo ke jabab khud ko de dege to aapko pata chal jayega ki aap kya hai or kya kar sakte hai.. kisme aapka passion hai or kya aapka talent hai, kis chij me aapko khusi milti hai or kis me nahi.. Kya aapki kami hai or kya aapka talent hai wo sab aapko apne ware me pata chal jayega.

Life me agar success hona hai to wo karo jisme aap phele se ache ho dusro ke mukable, agar aap kisi aese bande se mukabla karne jaoge jo aapse acha hai or phele se success hai to aap hamesa muh ki khaoge..

to Dosto aapka Talent jo bhi hai unko phechano or usko or acha karne ke liye work karo, taki aap success bhi hou or apni success ko pure injoyment ke sath injoy bhi karo.

Agar aapne in sablo ke jabab apne aap ko de diye to yakin mano, jitna aap apne aapko abhi jante ho usse jada jaanne lagoge, or jo bhi aapki kamiya hai unko kaise khatam karna hai wo bhi aapke mind me aa jayega.. or aage kya karna hai aap aasani se decide kar paoge..

At Last: 

Aapko ye jankari kesi lagi, or aapke mind me kya doubt hai kya dar hai, kya aap banna chate hai, aesi koi bhi jankari hai jo aap mujse share karna chate hai to comment me jarur share kare…

Apna Feedback or Sujab jarur de.. or Ye bhi Bataye aap jisme bhi apna Career banana chate hai to Q banana chate hai.. me Jaanna chahuga :)

*Me Blogging iss liye karta hu, q ki jo problem muje hui wo or kisi ko naa ho.. iss soch ke sath me Help karta hu or muje usme jo khusi milti hai usko me sabdo me describe nahi kar sakta.. to der kis baat ki kariye aap bhi jisme milti ho aapko khusi :)